డాషింగ్‌ డైరెక్టర్‌ పూరి జగన్నాధ్‌ ‘ఇస్మార్ట్‌ శంకర్’ చిత్రంపై మొదటి నుండి కూడా చాలా నమ్మకంగా ఉన్నాడు. ఆయన నమ్మకం చూసి చాలా మంది సినిమా సక్సెస్‌ అవుతుందేమో అని నమ్మారు. ఆయన ఎంత నమ్మకం పెట్టుకున్నాడంటే ఇస్మార్ట్‌ శంకర్‌కు సీక్వెల్‌గా డబుల్‌ ఇస్మార్ట్‌ శంకర్ అనే సీక్వెల్‌ కూడా తీయాలని, ఆ టైటిల్‌ను కూడా రిజిస్ట్రర్‌ చేయడం జరిగింది. అంతగా ఆసక్తితో సీక్వెల్‌ను చేయాలనుకున్న పూరి ఇప్పుడు సీక్వెల్‌పై ఆసక్తి చూపడం లేదని తెలుస్తోంది.
ఇస్మార్ట్‌ శంకర్ విడుదలైన వెంటనే వర్మ స్పందిస్తూ రామ్‌ మరియు పూరిల నుండి వెంటనే దీనికి సీక్వెల్‌ చూడాలని ఉందంటూ ట్వీట్‌ చేశాడు. అందుకు పూరి స్పందిస్తూ తప్పకుండా సార్‌ త్వరలోనే డబుల్‌ ఇస్మార్ట్‌ శంకర్‌ను మొదలు పెడతాను. అందుకు సంబంధించిన ఏర్పాట్లు మొదలు పెట్టినట్లుగా ప్రకటించాడు. ఈ విషయమై తాజాగా పూరిని అడిగితే ప్రస్తుతానికి ఇస్మార్ట్‌ సీక్వెల్‌ లేదని తేల్చి చెప్పాడు. భవిష్యత్తులో ఏమైనా ప్లాన్‌ చేస్తానేమో తెలియదు అంటూ చెప్పుకొచ్చాడు. పూరి మాట తీరును చూస్తుంటే ఇస్మార్ట్‌ శంకర్ సీక్వెల్‌పై అనుమానాలు వ్యక్తం అవుతున్నాయి.
