అఖిల్‌ మొదటి మూడు సినిమాలు బాక్సాఫీస్‌ వద్ద బొక్క బోర్లా పడ్డాయి. అంచనాలను అందుకోలేక పోయిన ఆ మూడు సినిమాల ఫలితాలను దృష్టిలో పెట్టుకుని అఖిల్‌ నాల్గవ సినిమాకు కమిట్‌ అయ్యాడు. అఖిల్‌ నాల్గవ సినిమాను అల్లు అరవింద్‌ గీతాఆర్ట్స్‌లో బొమ్మరిల్లు భాస్కర్‌ దర్శకత్వంలో నిర్మిస్తున్నాడు. అందుకు సంబంధించిన ఏర్పాట్లు జరుగుతున్నాయి. ఇక గత మూడు నాలుగు నెలలుగా ఈ చిత్రంలో హీరోయిన్‌గా నటించబోతున్నది ఎవరు అంటూ రకరకాల పేర్లు వినిపించాయి.
ఇస్మార్ట్‌ శంకర్ చిత్రం తర్వాత నభా నటేష్‌ను ఈ చిత్రం కోసం అనుకున్నారు. అయితే తాజాగా మరో పేరు కూడా పరిశీలనకలోకి వచ్చినట్లుగా తెలుస్తోంది. నాని ‘గ్యాంగ్‌ లీడర్‌’ చిత్రంతో తెలుగు ప్రేక్షకులకు పరిచయం కాబోతున్న ముద్దుగుమ్మ ప్రియాంక అరుల్‌ మోహన్‌ను అఖిల్‌కు జోడీగా ఎంపిక చేసే అవకాశం ఉందని తెలుస్తోంది. కన్నడంలో మంచి స్టార్‌డంను దక్కించుకుని తెలుగులో మంచి అవకాశాలను ఈ అమ్మడు దక్కించుకుంటుంది. తెలుగులో ఈమె నటించిన సినిమా ఒక్కటి కూడా విడుదల కాకుండానే బ్యాక్‌ టు బ్యాక్‌ ఆఫర్స్‌ వస్తున్నాయి. అఖిల్‌తో ఈమె రొమాన్స్‌ ఎలా ఉంటుందో చూడాలి.
