రామ్‌చ‌ర‌ణ్‌తో సినిమా చేయాలంటే ద‌ర్శ‌కులంతా త‌ల‌లు ప‌ట్టుకోవాల్సిందే. ఎందుకంటే క‌థ‌లో, చిత్రీక‌ర‌ణ‌లో, మిగిలిన టీమ్ ఎంపిక‌లో చిరంజీవి విపరీతంగా జోక్యం చేసుకొంటార‌ని టాలీవుడ్ టాక్‌. కృష్ణ‌వంశీ సినిమా గోవిందుడు అంద‌రివాడేలే సినిమా విష‌యంలో ఇదే జ‌రుగుతోంది. ఈ సినిమా షూటింగ్ అర్థాంత‌రంగా ఆగిపోయింది. కార‌ణం.. చ‌ర‌ణ్‌కి ఒంట్లో బాగోక‌పోవ‌డ‌మేన‌ట. అంత ఒంట్లో బాగోలేక‌పోతే మ‌నం సినిమా చూస్తాడా..?? ఈ సినిమా విపరీతంగా న‌చ్చేసింద‌ని కామెంట్లు పెడ‌తాడా?? గోవిందుడు… తెర‌కెక్కించిన విధానం చిరుకి న‌చ్చ‌క‌పోవ‌డం వ‌ల్ల ఈ సినిమా ఆగిపోయింద‌ని టాక్‌. దానికి త‌గ్గ‌ట్టే క‌థ‌లో, సినిమాలో అర్థాంతంగా మార్పుల‌కు శ్రీ‌కారం చుట్టింది టీమ్. అందులో భాగంగానే రాజ్ కిర‌ణ్‌ని ప‌క్క‌కు త‌ప్పించి, ఆ స్థానంలో ప్ర‌కాష్‌రాజ్‌ని తీసుకొన్నారు. రాజ్‌కిర‌ణ్ కాల్షీట్లు లేవ‌ని, అందుకే ప్ర‌కాష్‌రాజ్‌ని తీసుకోవాల్సివ‌చ్చింద‌ని చిత్ర‌బృందం చెబుతున్నా, వాటిని ఎవ‌రూ న‌మ్మే ప‌రిస్థితి లేదు. మొత్తానికి ఎవ్వ‌రికీ త‌ల‌వొంచ‌ని కృష్ణ‌వంశీ.. చిరుకి మాత్రం లొంగిపోయాడు. స్టార్ల‌తో సినిమా అంటే ఇలాంటివి త‌ప్ప‌వు మ‌రి.
