వరుస చిత్రాలతో జోరుమీదున్న పాన్ ఇండియా స్టార్ ప్రభాస్ ప్రస్తుతం మారుతి దర్శకత్వంలో ‘రాజా సాబ్’ సినిమా చేస్తున్నాడు. తాజాగా ఈ చిత్రం కి సంబందించిన గ్లింప్స్ ను మేకర్స్ రిలీజ్ చేసిన సంగతి తెలిసిందే. ప్రస్తుతం ‘రాజా సాబ్’ ఫ్యాన్ ఇండియా గ్లింప్స్ సోషల్ మీడియాలో రికార్డ్ స్థాయి వ్యూస్ సాధిస్తోంది. ఈ గ్లింప్స్ రిలీజైన 24 గంటల్లో 20 మిలియన్స్ కు పైగా వ్యూస్ దక్కించుకుంది. ‘రాజా సాబ్’ ఫ్యాన్ ఇండియా గ్లింప్స్ యూట్యూబ్ లో నెంబర్ 1 ప్లేస్ లో ట్రెండ్ అవుతోంది. ఈ గ్లింప్స్ కు వస్తున్న హ్యూజ్ రెస్పాన్స్ ప్రభాస్ క్రేజ్, స్టార్ డమ్ సత్తాను మరోసారి ప్రూవ్ చేస్తోంది. ‘రాజా సాబ్’ ఫ్యాన్ ఇండియా గ్లింప్స్ లో ప్రభాస్ వింటేజ్ స్టైలిష్ రొమాంటిక్ లుక్ ప్రతి ఒక్కరినీ ఇంప్రెస్ చేస్తోంది.
రొమాంటిక్ హారర్ జానర్ లో వస్తున్న ఈ సినిమాలో ప్రభాస్ ను డార్లింగ్ ఫ్యాన్స్ కు ఎప్పటికీ గుర్తుండిపోయేలా స్క్రీన్ మీద ప్రెజెంట్ చేయబోతున్నారు టాలెంటెడ్ డైరెక్టర్ మారుతి. ఇక పీపుల్ మీడియా ఫ్యాక్టరీ బ్యానర్ లో నిర్మాత టీజీ విశ్వప్రసాద్ గ్రాండ్ స్కేల్, హై టెక్నికల్ వ్యాల్యూస్ తో నిర్మిస్తున్నారు. మ్యూజికల్ సెన్సేషన్ థమన్ సంగీతం అందిస్తున్నారు. ‘రాజా సాబ్’ సినిమాను వచ్చే ఏడాది ఏప్రిల్ 10న తెలుగుతో పాటు తమిళ, మలయాళ, కన్నడ, హిందీలో విడుదల చేయబోతున్నారు.
