ప్రభాస్‌ హీరోగా తెరకెక్కిన ‘సాహో’ చిత్రం విడుదలకు సిద్దం అయ్యింది. ఆగస్టు 15న మొదట విడుదల చేయాలనుకున్నప్పటికి కొన్ని కారణాల వల్ల విడుదలను ఆగస్టు 30వ తారీకుకు వాయిదా వేయడం జరిగింది. తెలుగు ప్రేక్షకులు మాత్రమే కాకుండా తమిళం, హిందీ ప్రేక్షకులు కూడా ఈ చిత్రం కోసం చాలా ఆసక్తిగా ఎదురు చూస్తున్నారు. సినిమాపై ఇప్పటికే అంచనాలను టీజర్ పెంచేసింది. ఇప్పుడు ట్రైలర్‌ను వదిలేందుకు చిత్ర యూనిట్‌ సభ్యులు సిద్దం అవుతున్నారు.
ఆగస్టు 15వ తారీకున ‘సాహో’ చిత్రం ట్రైలర్‌ను ప్రేక్షకుల ముందుకు తీసుకు వచ్చేందుకు రెడీ అయ్యారు. అతి త్వరలోనే ట్రైలర్‌ కట్‌ కూడా పూర్తి చేయనున్నారు. ఇక ట్రైలర్‌ను కేవలం తెలుగు మరియు హిందీలోనే కాకుండా తమిళం మరియు కన్నడం, మలయాళంలో కూడా విడుదల చేసే అవకాశం ఉంది. ఒకే సారి అన్ని భాషల్లో యూవీ క్రియేషన్స్‌ యూట్యూబ్‌ ఛానెల్‌లో పోస్ట్‌ చేయడం జరుగనుందట. సాహో చిత్రంతో ప్రభాస్‌ మరోసారి ఇండియన్‌ సూపర్‌ స్టార్‌ అనిపించుకోవడం ఖాయం అంటూ సినీ వర్గాల వారు నమ్మకంగా చెబుతున్నారు.
