దాదాపుగా 300 కోట్ల బడ్జెట్‌తో ఈ చిత్రంను హాలీవుడ్‌ స్థాయిలో తెరకెక్కించినట్లుగా ప్రచారం జరుగుతోంది. ఇలాంటి సమయంలో ప్రభాస్‌ ఈ చిత్రం కోసం ఎంత పారితోషికం తీసుకుని ఉంటాడు అంటూ ఒక చర్చ మొదలైంది. నిర్మాతలు సన్నిహితులు అవ్వడం వల్ల సినిమా సొంతం అయ్యి ఉంటుంది. కనుక పారితోషికం విధానం కాకుండా లాభాల్లో వాట మాదిరిగా తీసుకుని ఉంటాడు అంటూ సమాచారం అందుతోంది. ఈ చిత్రంకు పెట్టిన బడ్జెట్‌ తీసివేయగా ఎంత వస్తే అందులో సగం ప్రభాస్‌ తీసుకునేలా ఒప్పందం చేసుకున్నట్లుగా తెలుస్తోంది. ఇదే నిజం అయితే ప్రభాస్‌కు వంద కోట్లకు పైగానే పారితోషికం రూపంలో వచ్చే అవకాశం ఉందని సినీ వర్గాల వారు అంటున్నారు.