ప్రభాస్‌ కొంటె పని వైరల్‌

యంగ్‌ రెబల్‌ స్టార్‌ ప్రభాస్‌ తాజాగా ‘సాహో’ చిత్రంలో నటించిన విషయం తెల్సిందే. ఈనెల 30వ తారీకున ‘సాహో’ చిత్రం ప్రేక్షకుల ముందుకు రాబోతుంది. భారీ బడ్జెట్‌తో రూపొందిన ఈ చిత్రంను తెలుగుతో పాటు అన్ని భాషల్లో కూడా విడుదల చేస్తున్నారు. ముఖ్యంగా ఈ చిత్రంను హిందీలో భారీ ఎత్తున విడుదల చేయబోతున్నారు. ఉత్తరాదిన ప్రభాస్‌ ఇప్పటికే బాహుబలి చిత్రంతో సత్తా చాటాడు. మరోసారి ఈ చిత్రంతో సత్తా చాటేందుకు సిద్దం అయ్యాడు.

బాహుబలి చిత్రంతో ఇండియాస్‌ టాప్‌ స్టార్‌ అయిన ప్రభాస్‌ మరోసారి ఈ చిత్రంతో తన స్టార్‌డంను చాటుకునేందుకు సిద్దం అవుతున్నాడు. అందుకోసం భారీ ఎత్తున అక్కడ ప్రచారం చేస్తున్నారు. అందులో భాగంగా హిందీలో ఫేమస్‌ డాన్స్‌ షోకు ప్రభాస్‌ మరియు శ్రద్దా కపూర్‌లు హాజరు అయ్యారు. ఆ డాన్స్‌ షోకు హోస్ట్‌గా వ్యవహరిస్తున్న ప్రముఖ హీరోయిన్‌ రవీనా టాండన్‌తో ప్రభాస్‌ స్టెప్పులు వేశాడు. ముఖ్యంగా రవీనా చీర కొంగును నోటితో పట్టుకుని ప్రభాస్‌ వేసిన స్టెప్పులు వైరల్‌ అవుతున్నాయి. ఆ ఫొటోలు తెగ సోషల్‌ మీడియాలో సర్కులేట్‌ అవుతున్నాయి. సాహో చిత్రంకు భారీ ఎత్తున ప్రమోషన్స్‌ తెస్తున్నాయి.