‘బాహుబలి’ చిత్రంతో ప్రభాస్‌ అంతర్జాతీయ స్థాయిలో మంచి గుర్తింపును సొంతం చేసుకున్నాడు. హీరోగా ప్రభాస్‌కు ఎంత గుర్తింపు వచ్చిందో దర్శకుడిగా రాజమౌళికి కూడా అంతకంటే ఎక్కువ గుర్తింపు వచ్చింది. ఇక రాజమౌళి, ప్రభాస్‌లు ‘బాహుబలి’ చిత్రంతో బాగా ఫేమస్‌ అవడంతో వీరి తదుపరి చిత్రం ఏంటా..?? అనేది ఆసక్తిగా మారింది. ఈ ఇద్దరు కూడా తదుపరి చిత్రాన్ని హిందీలో చేయనున్నారు అని టాక్‌ వినిపిస్తోంది. ప్రస్తుతం ఇద్దరు కూడా హాయిగా ఫారెన్‌ టూర్‌లో ఎంజాయ్‌ చేస్తున్నారు. రాజమౌళి తదుపరి చిత్రంలో కూడా హీరో ప్రభాస్‌నే అని, ఈ చిత్రాన్ని కరణ్‌ జోహార్‌ నిర్మించనున్నాడు అని, తెలుగు, హిందీ, తమిళ భాషల్లో ఈ చిత్రం రూపొందనుందని బాలీవుడ్‌లో తెగ ప్రచారం అవుతోంది.
రాజమౌళి దర్శకత్వంలో మరోసారి ప్రభాస్‌ హీరోగా నటించడం అంతేకాకుండా ఆ చిత్రాన్ని కరణ్‌ జోహార్‌ నిర్మిచడం చూస్తుంటే వావ్‌… ఎంత బాగుందో. అంతేకాకుండా ఈ చిత్రంలో బాలీవుడ్‌ హీరో రణవీర్‌ కూడా నటించనున్నాడు. వరుస విజయాలతో దూసుకుపోతున్న రణవీర్‌ ఒక హీరోగా, ప్రభాస్‌ ఒక హీరోగా ఈ మల్టీస్టారర్‌ తెరకెక్కనుంది అని తాజాగా సమాచారం అందుతోంది. అయితే ఈ విషయంపై అధికారిక ప్రకటన లేదు కానీ ప్రభాస్‌ అభిమానులు మాత్రం ఈ వార్త విని తెగ సంబరపడిపోతున్నారు. రాజమౌళి, ప్రభాస్‌, కరణ్‌ జోహార్‌ల కాంభోలో వచ్చే సినిమా అంటే అబ్బా ఎంత బాగుంటుందో కదా!
