‘బాహుబలి’ సినిమా కోసం ప్రభాస్‌ ఏ స్థాయిలో కష్టపడ్డాడో ప్రత్యేకంగా చెప్పనక్కర్లేదు. దాదాపు అయిదు సంవత్సరాల కెరీర్‌ను పక్కన పెట్టి కేవం ‘బాహుబలి’ సినిమా కోసం ఎంతో కష్టపడ్డాడు. ఈ గ్యాప్‌లో ప్రభాస్‌ ఖచ్చితంగా పది సినిమాలు అయినా చేసేవాడు. కాని జక్కన్నకు ఇచ్చిన మాట కోసం ప్రభాస్‌ వేరే ఏ సినిమాలు కూడా ఒప్పుకోలేదు. తాజాగా ‘బాహుబలి’ సినిమా పూర్తి అయిన వెంటనే సుజీత్‌ దర్శకత్వంలో ఒక సినిమాను చేసేందుకు ప్రభాస్‌ కమిట్‌ అయ్యాడు. యూవీ క్రియేషన్స్‌లో ఆ చిత్రం నిర్మాణం జరుగబోతుంది.
ప్రభాస్‌ హీరోగా ఒక సినిమాను నిర్మించాలని మైత్రిమూవీస్‌ బ్యానర్‌ నిర్మాతలు ఆరాట పడుతున్నారు. ప్రస్తుతం టాలీవుడ్‌లో మైత్రి మూవీస్‌ సందడి కొనసాగుతుంది. మహేష్‌బాబుతో సినిమా నిర్మించి, ప్రస్తుతం చరణ్‌తో సినిమాను నిర్మిస్తున్నారు. వరుసగా స్టార్‌ హీరోలతో సినిమాు చేస్తున్న మైత్రి మూవీస్‌ వారు ప్రభాస్‌ కోసం భారీ ఆఫర్‌ ఇచ్చేందుకు సిద్దం అయ్యింది.
సుజీత్‌ దర్శకత్వంలో సినిమా పూర్తి అవ్వడమే ఆలస్యం తమ బ్యానర్‌లో నటించాల్సిందిగా కోరుతో భారీ మొత్తంను అడ్వాన్స్‌గా పంపించడం జరిగింది. అయితే ప్రభాస్‌ మాత్రం తన మిత్రుల బ్యానర్‌ మరియు తనకు షేర్‌ ఉన్న బ్యానర్‌ అయిన యూవీ క్రియేషన్స్‌లోనే రెండు మూడు సంవత్సరాలు కంటిన్యూగా సినిమాలు చేస్తాను అంటూ మైత్రి వారి ఆఫర్‌ను వెనక్కు పంపి, వారికి షాక్‌ ఇచ్చాడు. భవిష్యత్తులో తప్పకుండా చెద్దాం అని వారికి ప్రభాస్‌ చేసినట్లుగా తెలుస్తోంది.
