యంగ్‌రెబల్‌ స్టార్‌ ప్రభాస్‌ ‘బాహుబలి’ చిత్రంతో చాలా పెద్ద స్టార్‌ అయ్యాడు. క్రీస్తు పూర్వం, క్రీస్తు శకం అన్నట్టుగా టాలీవుడ్‌ పరిశ్రమ మరియు ప్రభాస్‌ కెరియర్‌లు ‘బాహుబలి’ ముందు, ‘బాహుబలి’ తర్వాత అని చెప్పుకునే స్థాయిలో ఈ చిత్ర రికార్డులు ఉన్నాయి. ఇక ‘బాహుబలి’కి ముందు ప్రభాస్‌ ఇమేజ్‌ ఇంతే కానీ ‘బాహుబలి’ తర్వాత ఎంత అనేది ప్రత్యేకంగా చెప్పనక్కర్లేదు.
ఇక తాజాగా జరిగిన ‘బాహుబలి’ రెండో భాగం ప్రీ రిలీజ్‌ వేడుకలో ప్రభాస్‌ వేదికపైకి వచ్చిన తీరు అందరిని ఆశ్చర్యానికి గురి చేసింది. ఇప్పటి వరకు ఆడియో వేడుకలో ఏ హీరో రాని విధంగా ప్రభాస్‌ ఎంట్రీ అదిరింది. గ్రాండ్‌ ఎంట్రీతో స్టేజి మీదకు వచ్చిన ప్రభాస్‌ నోట చాలా మాటలు వినాలని అభిమానులు చాలా ఆశపడ్డారు.
స్టేజి మీదకు ఎత్తు నుండి క్రేజ్‌ల ద్వారా చాలా గ్రాండ్‌గా వచ్చిన ప్రభాస్‌ ఆ తర్వాత మైక్‌ పట్టుకుని సినిమాలో ఎలాగు తప్పదు, ఆడియో వేడుకలో కూడా తప్పలేదు కదా అంటూ నవ్వేశాడు. ఆ తర్వాత అయిన డార్లింగ్‌ చాలా మాట్లాడతాడు అని అభిమానులు ఆసక్తిని కనబర్చారు. ఇక అంతే సమయం ముగిసిందని మైకు పట్టుకుని ప్రభాస్‌ హడావుడిగా రెండు డైలాగులు చెప్పి డార్లింగ్‌ ఫ్యాన్స్‌కు థ్యాంక్స్‌ చెప్పి ముగించేశాడు. ప్రభాస్‌ ఎంతో మాట్లాడుతుంటే వినాలని వచ్చిన అభిమానులకు ఈ సారి నిరాశే మిగిలింది. డార్లింగ్‌కు మాట్లాడే సమయం ఎక్కువ లేకపోవడంతో అభిమానులు చాలా నిరాశ పడ్డారు.
