‘ఈగ’ సినిమాతో తన స్టామినా ఏమిటో మరోసారి చాటిచెప్పారు రాజమౌళి. ఇప్పుడు ప్రభాస్ ని ‘బహుబలి’గా తీర్చిదిద్దే పనిలో పడిపోయారు. సోషియో ఫాంటసీ నేపథ్యంలో నడిచే కథ ఇది. ‘ఛత్రపతి’, ‘మగధీర’కు కలసినట్టు ఉంటుందని.. రాజమౌళి ముందే హింట్ ఇచ్చేశారు. అన్నట్టు ఈ సినిమా బడ్జెట్ రూ. 80 కోట్లట. తెలుగు చిత్రసీమకు సంబంధించినంత వరకూ అత్యధిక బడ్జెట్ తో తెరకెక్కే చిత్రమిదే. ‘రెబల్’ తో ఓ ప్లాప్ మూటగట్టుకొన్నా… ప్రభాస్ పై ఇంత భారీ మొత్తం వెచ్చించడం… సాహసమే. కథపై, ప్రభాస్ స్టామినాపై, అన్నింటికంటే ముఖ్యంగా తనపై రాజమౌళికి ఉన్న నమ్మకమే ఈ సినిమాకి పునాది. ఇందులో రానా ఓ కీలక పాత్రధారి. ప్రభాస్-రానా… సవతి సోదరుల్లా కనిపిస్తారని సమాచారం. దాదాపు రెండేళ్లపాటు ప్రభాస్ తన కాల్షీట్లను ఈ సినిమాకే కేటాయించారు. దాదాపు 40 శాతం సన్నివేశాలు బ్లూమేట్ లో చిత్రీకరించనున్నారు. ‘బహుబలి’ ఎన్ని రికార్డులను తిరగరాస్తాడో చూడాలి.
