పాన్ ఇండియా స్టార్ గా గుర్తింపు తెచ్చుకున్న ప్రభాస్.. ప్రస్తుతం సలార్ మూవీ చేస్తున్న సంగతి తెలిసిందే. కెజిఎఫ్ ఫేమ్ ప్రశాంత్ నీల్ డైరెక్షన్లో శృతి హాసన్ హీరోయిన్ గా తెలుగు, తమిళ్ , హిందీ, మలయాళ భాషల్లో ఈ మూవీ తెరకెక్కుతుంది. ఈ చిత్రాన్ని 2022 ఏప్రిల్ 14 న వరల్డ్ వైడ్ గా రిలీజ్ చేయబోతున్నట్లు నిర్మాతలు ఇదివరకే అధికారిక ప్రకటన చేసారు. ఈ సినిమాని ప్రఖ్యాత నిర్మాణ సంస్థ హోంబలె ఫిలిమ్స్ వారు ఎంతో భారీ ఖర్చుతో పాన్ ఇండియా మూవీ గా నిర్మిస్తున్నారు .రవి బస్రూర్ ఈ చిత్రానికి మ్యూజిక్ అందిస్తున్నారు.
అయితే ప్రస్తుతం ఈ చిత్రానికి సంబంధించి ఒక వార్త సోషల్ మీడియా లో హల్చల్ చేస్తుంది. అదేంటంటే ఈ చిత్రంలో ప్రభాస్ ద్విపాత్రినాభినయం చేస్తున్నాడని, అందులో ఒక పాత్ర ఆర్మీ ఆఫీసర్ గా ఉంటుందట. ప్రభాస్ ఇప్పటివరకు అటువంటి పాత్రలో చేయలేదు. ఇదే కనుక నిజమైతే ఈ చిత్రం ఒక రేంజ్ లో ఉంటుందనడంలో ఆశ్చర్యం లేదు.
