యంగ్‌ రెబల్‌ స్టార్‌ ప్రభాస్‌ ‘సాహో’ చిత్రంతో మరి కొన్ని రోజుల్లో ప్రేక్షకుల ముందుకు రాబోతున్నాడు. 350 కోట్ల బడ్జెట్‌తో తెరకెక్కిన ఈ చిత్రంను కేవలం తెలుగు రాష్ట్రాల్లోనే కాకుండా మరో నాలుగు భాషల్లో ప్రపంచ వ్యాప్తంగా విడుదల చేస్తున్నారు. ఒక హాలీవుడ్‌ స్థాయి సినిమాలా ఈ చిత్రం ఉంటుందని చిత్ర యూనిట్‌ సభ్యులు చాలా నమ్మకంగా ఉన్నారు. భారీ ఎత్తున అంచనాలున్న ఈ చిత్రంను రెండేళ్ల పాటు కష్టపడి తెరకెక్కించడం జరిగింది. తాజాగా ఈ చిత్రం గురించి ప్రభాస్‌ మాట్లాడుతూ ఆసక్తికర వ్యాఖ్యలు చేశాడు.
భారీ బడ్జెట్‌తో నిర్మించిన సినిమా అవ్వడంతో పాటు రెండేళ్లు ఈ చిత్రం కోసం పని చేశాం. ఇలాంటి సినిమా విడుదల సమయంలో టెన్షన్‌ పడుతున్నారా అంటూ చాలా మంది అడుగుతున్నారు. ఇంత పెద్ద సినిమా చేసినప్పుడు, ఇంతగా కష్టపడ్డప్పుడు ఫలితం ఎలా ఉంటుందో అనే టెన్షన్‌ అయితే కామన్‌గా ఉంటుంది. మాకు కూడా టెన్షన్‌ ఉందని చెప్పుకొచ్చాడు. కాస్త భయం కూడా ఉందని ఆయన పేర్కొన్నాడు. సినిమా ఫలితంపై ఎలాంటి అనుమానాలు లేకున్నా కూడా టెన్షన్‌ భయం అనేది కామన్‌గా ఏ సినిమా చేసినా మేకర్స్‌ ఉంటాయని ప్రభాస్‌ అన్నాడు.
