దర్శకుడు పూరీ తాజాగా బాలయ్య బాబును తెగ పొగిడేస్తున్నాడు. ఏ ఎండకు ఆ గొడుగు పట్టాలనుకున్నాడో ఏమో కానీ పూరీ తాజాగా బాలయ్యను ప్రశంసలతో ముంచేశాడు. షూటింగ్‌ ఉదయం ఏడు గంటలకు ప్లాన్‌ చేస్తే బాలయ్య 6.30 వరకే సెట్‌లో ఉంటాడని, ఆయన సమయ పాలన ఆశ్చర్యం కలిగిస్తుందని, నా టేకింగ్‌ స్టయిల్‌ను ఆయన ఎంజాయ్‌ చేస్తుంటే చాలా ముచ్చటగా ఉంటుంది అని, తాను చెప్పిన దానికంటే చాలా మెరుగ్గా చేస్తున్నాడు అని బాలయ్యను పూరీ తెగ పొగిడేశాడు. తన తదుపరి చిత్రాన్ని మెగాస్టార్‌తో చేయాలని ఉందని, అది కూడా వర్కౌట్‌ అవుతుందని పూరీ చెప్పుకొచ్చాడు. మెగాస్టార్‌ క్రేజ్‌ను అమాంతం పెంచేలా ఆ చిత్రం ప్లాన్‌ చేస్తాను అని కూడా పూరీ చెప్పుకొచ్చాడు.