విభిన్న కథలతో ఎప్పుడు ప్రేక్షకులకు కొత్తదనం అందించే డైరెక్టర్ క్రిష్…పవన్ కళ్యాణ్ తో ఓ సినిమా చేస్తున్న సంగతి తెలిసిందే. పవన్ 27 వ చిత్రంగా తెరకెక్కనున్న ఈ మూవీ షూటింగ్ కొన్ని రోజుల క్రితం హైదరాబాద్ లో వేసిన ప్రత్యేక సెట్ లో జరిగింది.
ఔరంగజేబు కాలంనాటి కథతో క్రిష్ ఈ మూవీ చేస్తున్నాడు. క్రిష్ డైరెక్ట్ చేసిన శాతకర్ణి , మణికర్ణిక చిత్రాలు హిట్స్ కాగా…ఇప్పుడు పవన్ తో కూడా అదే తరహా కథ తో సినిమా చేస్తున్నాడు. కాగా ఈ మూవీ లో విలన్ గా బాలీవుడ్ స్టార్ అర్జున్ రాంపాల్ ను ఎంపిక చేసినట్లు సమాచారం. ఈ సంగతి పక్కన పెడితే ఈ మూవీ లో ఐటెం సాంగ్ లో పూజిత పొన్నాడ నటించినట్లు సమాచారం. ఓ భారీ సెట్ లో ఇప్పటికే ఈ సాంగ్ చిత్రీకరణ పూర్తయిందని అంటున్నారు. పూజిత గతంలో రాజశేఖర్ హీరోగా వచ్చిన కల్కి సినిమాలో ఓ రోల్ చేశారు. అలాగే రామ్ చరణ్ బ్లాక్ బస్టర్ మూవీ రంగస్థలం మూవీలో ఆది పినిశెట్టి లవర్ పాత్ర కూడా ఆమె చేయడం జరిగింది. పవన్ లాంటి స్టార్ హీరో పక్కన సాంగ్ చేసే అవకాశం దక్కించుకున్న ఈ బ్యూటీ కెరీర్ కి ఇది కలిసొచ్చే అంశమే అంటున్నారు.