ఈరోజుల్లో సోషల్ మీడియాకు ఎంతటి ప్రాముఖ్యత ఉందో ప్రత్యేకంగా చెప్పనక్కర్లేదు. ప్రముఖుల దగ్గర నుండి సామాన్యుడు వరకు ఇలా అందరి జీవితాల్లో సోషల్ మీడియా ఒక భాగం అని చెప్పవచ్చు. కొందరు ప్రచారం కోసం, మరికొందరు అభిమానుల కోసం, ఇంకొందరు తమ అభిప్రాయాలను షేర్ చేసుకోవడం కోసం సోషల్ మీడియాను వాడుతుంటారు. అయితే ఇప్పటివరకు ఫేస్ బుక్, ట్విట్టర్ అకౌంట్స్ కలిగివున్న పవన్ తాజాగా ఇన్ స్టాగ్రామ్ లోకి అడుగుపెట్టారు.
ఈరోజు ఉదయం పవన్ పేరుతో అధికారిక అకౌంట్ క్రియేట్ చేశారు. ‘ఎలుగెత్తు, ఎదురించు,ఎన్నుకో.. Jai Hind!’ అనే నినాదాన్ని త‌న పేజీకి క్యాప్ష‌న్‌గా ఇచ్చారు. దీంతో ఇన్ స్టాలో పవన్ ఫ్యాన్స్ హంగామా మొదలైంది. అంతేకాదు ఇప్పటివరకు ఒక్క పోస్ట్ కూడా చేయనప్పటికీ, 1 మిలియన్ ఫాలోవర్స్ వచ్చారంటే పవన్ క్రేజ్ ఏ లెవల్లో ఉందో అర్ధమవుతుంది. దీంతో ఏ హీరోకి లేని ఫస్ట్ ఎవర్ రికార్డు ని పవన్ సొంతం చేసుకున్నాడు. ఇకపోతే ప్రస్తుతం జనసేన అధినేత పవన్ కళ్యాణ్ ఒకవైపు సినిమా షూటింగ్ లో పాల్గొంటూనే, మరోవైపు ఏపీలో వారాహి యాత్రలో బిజీగా వున్నారు.
