పవర్‌స్టార్‌ పవన్‌కళ్యాణ్‌ ప్రస్తుతం మాటల మాంత్రికుడు త్రివిక్రమ్‌ శ్రీనివాస్‌ దర్శకత్వంలో నటిస్తున్నాడు. ఈ కాంభోలో ఇప్పటికే రెండు హిట్‌ చిత్రాలు విడుదలయ్యాయి. దాంతో ఈ చిత్రంపై మొదటి నుండే అంచనాలు తారా స్థాయిలో ఉన్నాయి. ఈ చిత్రంలో పవన్‌ సరసన కీర్తి సురేష్‌ మరియు అనూ ఇమాన్యుయెల్‌లు రొమాన్స్‌ చేస్తున్నారు. క్రేజీ ప్రాజెక్ట్‌గా తెరకెక్కుతున్న ఈ చిత్ర టైటిల్‌ ఇంకా అధికారికంగా ఫిక్స్‌ కాలేదు. ‘దేవుడే దిగి వచ్చినా’, ‘పరదేశ ప్రయాణం’లు టైటిల్‌గా ప్రచారం అయ్యాయి. కానీ ఈ రెండు కూడా ఫిక్స్‌ కాలేదు.
తాజాగా పవన్‌, త్రివిక్రమ్‌ల చిత్రానికి కొత్త టైటిల్‌ పేరు వినిపిస్తోంది. ఈ చిత్రంలో పవన్‌ కృష్ణుడి వలె చిలిపి చేష్టలు చేస్తూ, ప్రత్యర్థుల ఆట కట్టిస్తాడట. అందుకే ఈ చిత్రానికి ‘గోకుల కృష్ణుడు’ అనే టైటిల్‌ను పరిశీలిస్తున్నారు. ఈ టైటిల్‌ అయితే కథకు బాగా సరిపోతుంది అంతేకాకుండా ప్రేక్షకులకు బాగా కనెక్ట్‌ అవుతుంది, అందుకే ఇదే టైటిల్‌ను ఫిక్స్‌ చేయాలని త్రివిక్రమ్‌ భావిస్తున్నాడు. మొత్తానికి ఈ టైటిల్‌ అయినా ఖరారు అవుతుందా చూడాలి. ‘గోకుల కృష్ణుడు’ టైటిల్‌ మాత్రం అదిరిపోతుంది.
