పవర్‌స్టార్‌ పవన్‌కళ్యాణ్‌ వచ్చే సాదారణ ఎన్నికల్లో నేరుగా బరిలోకి దిగబోతున్నాడు. అందుకే తాను ముందుగా ఒకే చేసిన ప్రాజెక్ట్‌లు అన్ని కూడా పూర్తి చేయాలని గట్టిగా నిశ్చయించుకున్నాడు. పవన్‌ ప్రస్తుతం త్రివిక్రమ్‌ దర్శకత్వంలో నటిస్తున్నాడు. అనంతరం నేసన్‌ దర్శకత్వంలో ఓ సినిమా చేయనున్నాడు. తర్వాత మరో చిత్రానికి సైతం పవన్‌ ఒకే చెప్పి రెడీగా ఉంచాడు. పవన్‌ కళ్యాణ్‌ నటించిన ‘కాటమరాయుడు’ చిత్రం అంచనాలను అందుకోలేక పోయింది. ఇక అభిమానులంతా కూడా త్రివిక్రమ్‌ చిత్రంపైనే ఆశలు పెట్టుకున్నారు. గతంలో పవన్‌, త్రివిక్రమ్‌ కాంభోలో వచ్చిన చిత్రాలు సూపర్‌ సక్సెస్‌ను సాధించాయి.
ప్రస్తుతం పవన్‌, త్రివిక్రమ్‌ల సినిమా సెట్స్‌ మీద ఉండగా ఈ ఎండలు తెగ ఇబ్బంది పెడుతున్నాయి. ఎండలు ఎంత పెరిగినా కూడా షూటింగ్‌ను వాయిదా వేసే ప్రసక్తే లేదు అంటున్నాడు పవన్‌. మండుటెండలో ఎంతైనా కష్టపడుతాను, ముందుగా అనుకున్న సమయానికే షూటింగ్‌ పూర్తి అవ్వాలని చిత్ర యూనిట్‌తో గట్టిగా చెప్పాడట. ఒక సినిమాకు అంతరాయం కలిగితే దాని ప్రభావం తదుపరి చిత్రాలపై కూడా ఉంటుంది కాబట్టి షూటింగ్‌ను ఆపే ఆలోచన చేయడం లేదు పవన్‌. అయినా పవన్‌కు మాట అంటే మాట. ఈయనకు కొంచెం తిక్క, దానికో లెక్క ఉంటుంది అని పవన్‌ ఈసారి కూడా నిరూపించుకున్నాడు.
