భారత సినీ రంగంలో అత్యున్నత దాదాసాహెబ్‌ ఫాల్కే పురస్కారానికి ఎంపికైన కళాతపస్వి కె.విశ్వనాథ్‌కు..సినీ వర్గాల నుండి అభినందనల వెల్లువ రోజు రోజుకు పెరుగుతూనే ఉంది..ఇప్పటికే కమల్ హాసన్ , చిరంజీవి , ఎన్టీఆర్ , అల్లు అర్జున్ మొదలగు వారు అభినందనలు తెలుపగా..తాజాగా ఈరోజు ఉదయం ఫిలిం నగర్ లో ఉన్న విశ్వనాథ్ నివాసానికి వెళ్లిన పవన్, త్రివిక్రమ్ ఆయన్ని శాలువాతో సత్కరించి అభినందనలు తెలిపారు.
విశ్వనాథ్‌తో కాసేపు పవన్ , త్రివిక్రమ్ లు ముచ్చటించారు. నిన్న మెగా స్టార్ చిరంజీవి విశ్వనాథ్‌ను ఆయన స్వగృహంలో కలిసి అభినందనలు తెలిపిన సంగతి తెలిసిందే. తెలుగు చిత్ర సీమకు ఎన్నో మరుపురాని సినిమాలు అందించి..ఎంతోమంది హీరోల కెరియర్ లోనే ఎప్పటికి మరచి పోనీ చిత్రాలు అందించిన డైరెక్టర్ కళాతపస్వి కె. విశ్వనాథ్ కి దాదా సాహెబ్ పాల్కే అవార్డును ప్రకటించడం పట్ల అన్ని ఇండస్ట్రీ పెద్దలు, హీరోలు అభినందనలను తెలుపుతున్నారు…కొంతమంది స్వయంగా ఆయన ఇంటికి వచ్చి తమ సంతోషాలను పంచుకుంటుంటే..మరికొంతమంది సోషల్ మీడియా ద్వారా తమ శుభాకాంక్షలను అందిస్తున్నారు.
