పవన్‌ కళ్యాణ్‌ తాజాగా ‘కాటమరాయుడు’ చిత్రాన్ని చేసిన విషయం తెల్సిందే. ఈనె 24న చిత్రాన్ని ప్రేక్షకుల ముందుకు తీసుకు వచ్చేందుకు ఏర్పాట్లు చేస్తున్నారు. తమిళంలో సూపర్‌ హిట్‌ అయిన ‘వీరమ్‌’ చిత్రానికి ఇది రీమేక్‌. అజిత్‌ నటించిన ‘వీరమ్‌’ తమిళంలో సూపర్‌ హిట్‌ అయ్యింది. ఈ చిత్రమే కాకుండా తమిళంలో అజిత్‌ నటించిన ‘వేదాళం’ చిత్రాన్ని కూడా పవన్‌ రీమేక్‌ చేయబోతున్నాడు. నేసన్‌ దర్శకత్వంలో పవన్‌ కళ్యాణ్‌ త్వరలో ఆ సినిమాను షురూ చేయనున్నాడు. ఇదే సమయంలో పవన్‌ కళ్యాణ్‌ మరోసారి అజిత్‌ సినిమాపై ఆసక్తి చూపుతున్నట్లుగా తెలుస్తోంది.
‘వీరం’ మరియు ‘వేదాళం’ చిత్రాల దర్శకుడు శివ ప్రస్తుతం అజిత్‌తో ‘వివేగమ్‌’ అనే చిత్రాన్ని తెరకెక్కిస్తున్నాడు. ఇటీవలే విడుదలైన ఆ సినిమా ఫస్ట్‌ుక్‌కు అదిరిపోయే రెస్పాన్స్‌ వచ్చింది. ఇక సినిమాపై కూడా అంచనాలు ఆకాశాన్ని తాకేలా ఉన్నాయి. తప్పకుండా సినిమా ఆకట్టుకుంటుందనే నమ్మకంతో అజిత్‌ ఫ్యాన్స్‌ ఉన్నారు. ఈ సమయంలోనే పవన్‌ కళ్యాణ్‌ ఆ సినిమా గురించి వాకబు చేసినట్లుగా తెలుస్తోంది. తమిళంలో ఆ సినిమా సక్సెస్‌ అయితే ఖచ్చితంగా పవన్‌ కళ్యాణ్‌ దాన్ని రీమేక్‌ చేయాలని భావిస్తున్నాడు.
