‘సైరా’ టీజర్‌ స్పెషాలిటీ ఏంటో తెలిస్తే ఫ్యాన్స్‌కు పూనకాలే

మెగాస్టార్‌ చిరంజీవి 151వ చిత్రంగా రూపొందిన ‘సైరా నరసింహారెడ్డి’ విడుదలకు సిద్దం అవుతుంది. అక్టోబర్‌ 2న ప్రేక్షకుల ముందుకు రాబోతున్న ఈ చిత్రంపై అంచనాలు ఆకాశాన్ని తాకేలా ఉన్నాయి. చిరంజీవి ఈ వయసులో కూడా చాలా కష్టపడి ఈ చిత్రం కోసం కత్తి యుద్దాలు, గుర్రపు స్వారీలు ఇంకా చాలా చేశాడు. సినిమాను ప్రమోట్‌ చేసేందుకు మెగా హీరోలు అంతా కూడా తమ వంతు సాయం చేసేందుకు ముందుకు రావాలని నిర్ణయించుకున్నట్లుగా సమాచారం అందుతోంది.

అందులో భాగంగా పవన్‌ కళ్యాణ్‌ కూడా తనవంతు సహకారం అందించబోతున్నట్లుగా తెలుస్తోంది. సినీ వర్గాల నుండి అందుతున్న విశ్వసనీయ సమాచారం ప్రకారం ‘సైరా’ చిత్రం టీజర్‌ను ఈనెల 22న చిరంజీవి పుట్టిన రోజు సందర్బంగా తీసుకు వచ్చేందుకు ఏర్పాట్లు చేస్తున్నారు. టీజర్‌ ఎడిటింగ్‌ దాదాపుగా పూర్తి అయ్యిందట. ఈ టీజర్‌కు పవర్‌ స్టార్‌ పవన్‌ కళ్యాణ్‌ వాయిస్‌ ఓవర్‌ ఇచ్చినట్లుగా కూడా తెలుస్తోంది. పవన్‌ కళ్యాణ్‌ వాయిస్‌ ఓవర్‌తో టీజర్‌ మాత్రమే కాకుండా సినిమా కూడా పవన్‌ వాయిస్‌ ఓవర్‌ ఉంటుందని సమాచారం అందుతోంది. అదే కనుక నిజం అయితే మెగా ఫ్యాన్స్‌ సంతోషంకు హద్దులు ఉండవు కావచ్చు.