‘సైరా’లో పవన్‌ రెండు సార్లు

మెగాస్టార్‌ చిరంజీవి ప్రతిష్టాత్మక చిత్రం ‘సైరా’ ప్రీ రిలీజ్‌ వేడుక తాజాగా జరిగింది. ఈ వేడుకకు మెగా హీరోలతో పాటు పలువురు సినీ ప్రముఖులు హాజరయ్యారు. ఈ చిత్ర ప్రారంభంలో పవన్‌ వాయిస్‌ ఉంటందనే వార్త గతకొంత కాలంగా ప్రచారం అవుతూ వస్తుంది. అయితే పవన్‌ వాయిస్‌ ఓవర్‌ సినిమాకు ప్రత్యేక ఆకర్షణ అంతేకాకుండా దేశం గురించి పవన్‌ చెప్పే మాటలు చాలామందికి చేరుతాయి అని చిత్ర యూనిట్‌ భావించారట. అందుకే వాయిస్‌ ఓవర్‌కు పవన్‌ను ఎంపిక చేశారు.

ఈ చిత్రంలో పవన్‌ వాయిస్‌ ఓవర్‌ రెండు సార్లు ఉంటుంది. సినిమా ప్రారంభంలో, చివర్లో దేశం గురించి మాట్లాడుతూ పవర్‌ఫుల్‌ నినాదాలు ఉంటాయట. పవన్‌ వాయిస్‌ యూత్‌కి బాగా దగ్గరవుతుందని అంతేకాకుండా అలాంటి మాటలు చెప్పడానికి పవన్‌కి అన్ని అర్హతలు ఉన్నాయని చిత్ర యూనిట్‌ ధీమా వ్యక్తం చేస్తున్నారు. పవన్‌ వాయిస్‌ ఉంటందనగానే అభిమానులు సంతోషం అంతా ఇంతా కాదు. అభిమానుల నుండి భారీ స్పందన వచ్చింది. పవన్‌ ఫ్యాన్స్‌కి ఇది పెద్ద కానుక అని చెప్పవచ్చు.