‘సైరా నరసింహారెడ్డి’ చిత్రంకు సంబంధించిన టీజర్ నేడు చిరంజీవి పుట్టిన రోజు సందర్బంగా ప్రేక్షకుల ముందుకు రాబోతుంది. భారీ ఎత్తున అంచనాలున్న ఈ చిత్రం టీజర్‌ను పవన్‌ కళ్యాణ్‌ వాయిస్‌ ఓవర్‌తో ప్రేక్షకుల ముందుకు తీసుకు రాబోతున్నారు. ఇప్పటికే పవన్‌ కళ్యాణ్‌ వాయిస్‌ ఓవర్‌ ఇచ్చిన మేకింగ్‌ వీడియోను మరియు కొన్ని ఫొటోలను బయటకు వదలగా ఆ ఫొటోలకు ఫ్యాన్స్‌ పిచెక్కి పోతున్నారు. మెగా మూవీ స్థాయి పెంచేలా వాయిస్‌ ఓవర్‌ ఉంటుందని ఇప్పటికే ఖరారు అయ్యింది. ఇక ఈ చిత్రంలో పవన్‌ వాయిస్‌ ఇవ్వడంతో పాటు మరోసాయం కూడా చేయబోతున్నట్లుగా సమాచారం అందుతోంది.
సైరా చిత్రం ప్రమోషన్‌లో భాగంగా నిర్వహించబోతున్న ఫ్యాన్స్‌ మీట్‌కు పవన్‌ కళ్యాణ్‌ హాజరు కాబోతున్నాడు. హైదరాబాద్‌ శిల్ప కళా వేదికలో చిరంజీవి పుట్టిన రోజు వేడుకలు నిర్వహించేందుకు మెగా ఫ్యాన్స్‌ ఈ మీట్‌ను వారే ఏర్పాటు చేసుకుంటున్నారు. ఇందులో నాగబాబుతో పాటు పవన్‌ కళ్యాణ్‌లు కూడా పాల్గొనబోతున్నారు. కొన్ని సంవత్సరాల క్రితం చిరంజీవి బర్త్‌డే సందర్బంగా ఫ్యాన్స్‌ ఏర్పాటు చేసిన మీట్‌కు పవన్‌ హాజరు కాలేక పోయాడు. అప్పుడు నాగబాబును వారు ప్రశ్నించగా ఫ్యాన్స్‌పై నాగబాబు సీరియస్‌ అయ్యాడు. అయితే ఇప్పుడు ఫ్యాన్స్‌ కోసం పవన్‌ రంగంలోకి దిగబోతున్నాడు.
