పవన్ కళ్యాణ్ కథానాయకుడిగా యువ దర్శకుడు సుజీత్ దర్శకత్వంలో వస్తున్న భారీ యాక్షన్ డ్రామా ‘ఓజీ’. డీవీవీ ఎంటర్‌టైన్‌మెంట్‌ పతాకంపై ప్రముఖ నిర్మాత డీవీవీ దానయ్య నిర్మిస్తున్న విషయం తెలిసిందే. ఇకపోతే తాజాగా ఈ సినిమా రిలీజ్ డేట్ ను అనౌన్స్ చేసింది చిత్రయూనిట్.
‘ఓజీ’ సినిమా సెప్టెంబర్ 27న ప్రపంచవ్యాప్తంగా విడుదల కానుందని పోస్టర్ ను రిలీజ్ చేసారు మేకర్స్. ఈ పోస్టర్ లో పవన్ కళ్యాణ్ చాలా స్టైలిష్ గా కనిపిస్తున్నారు. ఇక ఈ చిత్రంలో పవన్ కళ్యాణ్ సరసన ప్రియాంక మోహన్ హీరోయిన్ గా నటిస్తుంది. ఇమ్రాన్‌ హష్మీ, శ్రీయారెడ్డి, అర్జున్ దాస్, ప్రకాష్ రాజ్ తదితరులు ఇతర పాత్రల్లో నటిస్తున్నారు. ఇక భారీస్థాయిలో అత్యంత ప్రతిష్టాత్మకంగా తెరకెక్కుతోన్న ఈ చిత్రానికి థమన్ సంగీతం అందిస్తున్నారు. కాగా ప్రస్తుతం పవన్ కళ్యాణ్ ఏపీలో రాబోయే ఎలక్షన్స్ లో బిజీగా వున్న సంగతి తెల్సిందే.