గత కొన్ని రోజులుగా సినిమా న్యూస్‌లో పవన్‌ కళ్యాణ్‌ పేరు ప్రముఖంగా వినిపిస్తుంది. ఆమద్య సినిమాలకు సంబంధించిన ఒక పుస్తక ఆవిష్కరణ కార్యక్రమంలో పాల్గొనడంతో పాటు, తాజాగా మెగాస్టార్‌ చిరంజీవి నటించిన సైరా నరసింహారెడ్డి చిత్రంకు వాయిస్‌ ఓవర్‌ ఇవ్వడం జరిగింది. మెగా మూవీలో గెస్ట్‌ అప్పియరెన్స్‌ కూడా ఇచ్చేందుకు పవన్‌ సిద్దంగా ఉన్నట్లుగా వార్తలు వస్తున్నాయి. ఇలాంటి సమయంలో కొందరు పవన్‌ కళ్యాణ్‌ రీ ఎంట్రీ ఇచ్చే ఉద్దేశ్యంతో ఈ హడావుడి అంతా చేస్తున్నాడు అంటూ కామెంట్స్‌ చేస్తున్నారు. పవన్‌ మనసు మార్చుకుని వచ్చే ఎన్నికల వరకు సినిమాలు చేసుకుంటే బాగుంటుందని అభిమానులు కూడా అభిప్రాయం వ్యక్తం చేస్తున్నారు.