పవన్‌ కళ్యాణ్‌ హీరోగా తెరకెక్కిన ‘కాటమరాయుడు’ చిత్రం సెన్సార్‌ కార్యక్రమాలు పూర్తి చేసుకుంది. ఈ చిత్రానికి సెన్సార్‌ బోర్డు క్లీన్‌ యూ సర్టిఫికెట్‌ ఇచ్చింది. సినిమాపై సెన్సార్‌ బోర్డు సభ్యులు ప్రశంసలు కురిపించినట్లుగా తెలుస్తోంది. మొత్తం 144 నిమిషాలతో ఈ సినిమా ప్రేక్షకుల ముందుకు రాబోతుంది. పవన్‌ కళ్యాణ్‌ ఈ సినిమాతో బాక్సాఫీస్‌ను షేక్‌ చేయడం ఖాయం అని ఫ్యాన్స్‌ అంటున్నారు. భారీ అంచనాలు ఉన్న ఈ సినిమాను ఉగాది కానుకగా ఈ నెల 24న ప్రేక్షకుల ముందుకు తీసుకు రాబోతున్నారు. పవన్‌కు జోడీగా ఈ సినిమాలో హీరోయిన్‌గా శృతిహాసన్‌ నటించిన విషయం తెల్సిందే.
ఇటీవల కాలంలో టాలీవుడ్‌లో సినిమాలకు సెన్సార్‌ బోర్డు క్లీన్‌ యూ సర్టిఫికెట్లకు ఇవ్వడం చాలా అరుదు. అలాంటిది కాటమరాయుడుకు క్లీన్‌ యూ సర్టిఫికెట్‌ రావడం ఇక్కడ చెప్పుకోదగ్గ విషయం. పవన్‌ కళ్యాణ్‌ ఈ చిత్రంలో విభిన్నంగా కనిపించడంతో పాటు ఇప్పటికే విడుదలైన పోస్టర్స్‌ మరియు టీజర్‌లు దుమ్ము రేపుతున్నాయి. దాంతో సినిమాపై అంచనాలు భారీగా పెరుగుతున్నాయి. ఈ చిత్రం ప్రీ రిలీజ్‌ బిజినెస్‌ 100 కోట్లను క్రాస్‌ చేసింది. ఖైదీ కలెక్షన్స్‌ను ఈ చిత్రం క్రాస్‌ చేస్తుందనే నమ్మకంతో మెగా ఫ్యాన్స్‌ ఉన్నారు. .
