మెగాస్టార్ కి తమ్ముడి స్పెషల్ విషెస్

అభిమానుల కోసం మళ్లీ సినిమాల్లోకి రీ ఎంట్రీ ఇచ్చిన మెగాస్టార్ ఈ రోజు 63వ పుట్టినరోజును జరుపుకుంటున్నారు. ఇప్పటికే పలు ప్రాంతాల్లో చిరంజీవి పేరు మీద మెగాస్టార్ అభిమానులు పలు సేవ కార్యక్రమాలను చేస్తూ పుట్టినరోజు శుభాకాంక్షలు అందిస్తున్నారు. చిరంజీవి పుట్టినరోజు సందర్బంగా ఇండ‌స్ట్రీకి చెందిన ప‌లువురు ప్ర‌ముఖులు బ‌ర్త్‌డే శుభాకాంక్ష‌లు వెల్లువ‌లా కురిపిస్తున్నారు. ఇకపోతే మెగాస్టార్ తరువాత అంతటి అభిమానులను సంపాదించుకున్న పవర్ స్టార్ పవన్ కళ్యాణ్ తన అన్నయ్యకు స్పెషల్ గా తన విషెస్ ను అందించాడు.

తన భార్య అన్నా లెజెనోవా, పిల్లలతో కలసి పవన్ కళ్యాణ్ అన్నయ్య ఇంటికి ప్రత్యేకంగా వెళ్లి కలుసుకున్నారు. దీనికి సంబంధించిన ఫోటోను మెగా కోడలు ఉపాసన తన ట్విట్టర్ ఖాతాలో పోస్ట్ చేశారు. మెగాస్టార్ 151వ చిత్రం సైరా టీజర్ నిన్న విడుదలైన సంగతి తెలిసిందే. ఐతే, సైరా టీజర్ ని చిత్రబృందం తర్వాత మొదట చూసింది పవర్ స్టార్ పవన్ కళ్యాణ్ అన్న విషయం మెగా అభిమానులకి కిక్కునిస్తోంది. ‘నాకు సైరా టీజర్‌ ఫైనల్‌ అవుట్‌పుట్ 10.45కి వచ్చింది. వెంటనే నేను ఆ టీజర్‌ను కల్యాణ్ బాబాయ్‌కి ఫార్వర్డ్ చేశాను. 11.10కి బాబాయ్‌ దగ్గర నుంచి ‘టీజర్‌ అదిరిపోయింది. థియేటర్లో సినిమా చూసేందుకు రెడీ అవుతున్నాను’ అంటూ రిప్లయ్‌ వచ్చింది’ అని అభిమానులకు చెప్పారు చరణ్‌.