పవన్ కళ్యాణ్ , దర్శకుడు క్రిష్‌ కలయికలో సినిమా రానుంది. పీరియాడిక్‌ యాక్షన్‌ డ్రామాగా తెరకెక్కనున్న ఈ సినిమాలో.. దొంగ పాత్రలో పవన్ కనిపిస్తాడనే టాక్ బయటికి వచ్చింది. మొఘల్ చక్రవర్తుల కాలంలో ఈ కథ నడుస్తుందనేది తాజా సమాచారం. ఇక పవన్ కనిపించేది కూడా సాధారణమైన దొంగగా కాదు .. కోహినూర్ వజ్రాన్ని కాజేయడానికి ప్రయత్నించే ఘరానా దొంగగా అని తెలుస్తోంది.
సినిమాలో బాలీవుడ్‌ భామ జాక్వెలిన్‌ ఫెర్నాండెజ్‌ నటించబోతున్నట్లు సమాచారం. గతేడాది వచ్చిన సాహో సినిమాలో ప్రభాస్‌ సరసన ఒక ప్రత్యేకగీతంలో నటించింది. ఇప్పుడు ఈ సినిమా ద్వారా కథానాయికగా ప్రేక్షకులను అలరించనుంది.