శ్రియ టైటిల్ రోల్ లో జనార్థన మహర్షి దర్శకత్వం వహిస్తున్న చిత్రం ‘పవిత్ర’ ఉపశీర్షిక ‘ఎ బోల్డ్ అండ్ గోల్డ్ ఫిల్మ్’. కె. సాదక్ కుమార్, జి. సాయిమహేశ్వర రెడ్డి నిర్మిస్తున్న ఈ చిత్రం రెండు పాటలు మినహా పూర్తయింది. ఈ సందర్భంగా నిర్మాతలు మాట్లాడుతూ.. “జనార్థన మహర్షి అద్భుతమైన కథ ఇచ్చారు. కథనం కూడా బాగా కుదిరింది. టైటిల్ రోల్ ని శ్రియ అద్భుతంగా చేస్తోంది. స్త్రీ ఔన్నత్యాన్ని చాటి చెప్పే చిత్రం ఇది. నిజాయితిగా ఓ మంచి ప్రయత్నం చేస్తున్నాం. అందుకే ఇది బోల్డ్ సినిమా అయినా గోల్డ్ గా ఉంటుందని దర్శకుడు అంటున్నారు” అని చెప్పారు. దర్శకుడు మాట్లాడుతూ… “ శ్రియ కొత్త కోణంలో కనిపించే చిత్రం ఇది. అలాగే కౌశిక్ కు ఈ చిత్రం మంచి బ్రేక్ అవుతుంది. ఇప్పటివరకు చేయని పాత్రను రోజా ఇందులో చేస్తున్నారు. ఇందులో ఉన్న ప్రతి పాత్రకు ప్రధాన్యం ఉంటుంది. మార్చిలో ఈ చిత్రాన్ని విడుదల చేయాలనుకుంటున్నాం” అని చెప్పారు. ఈ చిత్రంలో బ్రహ్మానందం, ఏవీయస్, సాయికుమార్, శివాజి, రవిబాబు తదితరులు నటిస్తున్న ఈ చిత్రానికి సంగీతం : ఎం.ఎం. శ్రీ లేఖ, కెమెరా : సురేష్ కుమార్, నిర్మాతలు : కె. సాదక్ కుమార్, జి. సాయిమహేశ్వర రెడ్ది, కథ-స్ర్కీన్ ప్లే-మాటలు-దర్శకత్వం : జనార్థన మహర్షి.
