2005లో విశాల్, మీరా జాస్మిన్ కాంబినేషన్‌లో వచ్చిన పందెం కోడి బాక్సాపీస్ వద్ద సూపర్‌హిట్ చిత్రంగా నిలిచిన విషయం తెలిసిందే. ఇప్పుడీ సినిమా సీక్వెల్ తెరకెక్కుతోన్న సంగతి తెలిసిందే. లింగుస్వామి ద‌ర్శ‌క‌త్వంలో రూపొందుతున్న” పందెం కోడి 2 ” చిత్రంలో కీర్తి సురేష్ క‌థానాయిక‌గా న‌టిస్తుంది. వ‌ర‌ల‌క్ష్మీ శ‌ర‌త్ కుమార్ లేడి విల‌న్‌గా క‌నిపించ‌నుంది.
తాజాగా, ఈ సినిమా టీజర్ ని విడుదల చేసింది చిత్రబృందం. పందెం కోడి చిత్రంలో విశాల్ చెప్పే డైలాగ్‌తో టీజర్ మొద‌లు కాగా, త‌ర్వాత సీక్వెల్‌కి సంబంధించి ప‌వ‌ర్‌ఫుల్ డైలాగ్స్ చూపించారు.‘నేనింకా ఆడుకోవడం మొదలుపెట్టలేదు. అడ్డుకోవడమే మొదలుపెట్టాను’ అని విశాల్ చెప్తున్న డైలాగ్‌కు..పక్కనే ఉన్న కీర్తిసురేశ్‌ ఈల వేయడం హైలైట్‌గా నిలిచింది. విశాల్ ఫిలిం ఫ్యాక్టరీ, పెన్‌ స్టూడియోస్‌ బ్యానర్లపై విశాల్, ధావల్‌ జయంతిలాల్‌, అక్షయ్‌ జయంతిలాల్‌ సంయుక్తంగా నిర్మిస్తున్నారు. ఈ చిత్రానికి యువన్‌ శంకర్ రాజా సంగీతం అందిస్తున్నారు. ఇక, తెలుగు, తమిళ భాషల్లో తెరకెక్కిన ఈ చిత్రం అక్టోబర్‌ 18న ప్రేక్షకుల ముందుకు రానుంది.
