కరోనా వైరస్ కారణంగా దేశ వ్యాప్తంగా లాక్ డౌన్ నడుస్తుంది. ఈ క్రమంలో చిత్ర పరిశ్రమ మూతపడింది. గత కొన్ని రోజులుగా షూటింగ్స్ ఆగిపోవడం తో ఇండస్ట్రీ నే నమ్ముకున్న సినీ కార్మికుల కష్టాలు అన్నీఇన్నీ కాదు..రోజు కూలి చేస్తే కానీ డొక్కాడని పరిస్థితిలో షూటింగ్స్ బంద్ కావడం తో వారి జీవితం రోడ్డున పడింది.
ఈ నేపథ్యంలో సినీ కార్మికులను ఆదుకునేందుకు మెగాస్టార్ చిరంజీవి మనకోసం అనే కార్యక్రమాన్ని చేపట్టారు. చిరంజీవి ఆధ్వర్యంలో కరోనా క్రైసిస్ ఛారిటీ (సి.సి.సి.) ప్రారంభించారు. ఈ చారిటి ద్వారా సినీ కార్మికులను ఆదుకునే పని చేస్తున్నారు. ఇప్పటికే ఈ ఛారిటీకి చాలామంది తమవంతు విరాళాలు ప్రకటించగా..తాజాగా అమ‌ర‌రాజా మీడియా అండ్ ఎంట‌ర్‌టైన్‌మెంట్ తరఫున ప్రముఖ నిర్మాత సూపర్ స్టార్ మహేష్ బాబు అక్క ప‌ద్మావ‌తి గల్లా 10 లక్షల రూపాయల విరాళం అందించారు. జ‌య‌దేవ్ గల్లా కుమారుడు అశోక్ గల్లా ను హీరోగా పరిచయం చేస్తూ అమ‌ర‌రాజా మీడియా అండ్ ఎంట‌ర్‌టైన్‌మెంట్ బ్యాన‌ర్‌పై ప‌ద్మావ‌తి గల్లా చిత్రాన్ని నిర్మిస్తున్నారు. శ్రీ‌రామ్ ఆదిత్య ద‌ర్శ‌కుడు.