యంగ్‌టైగర్‌ ఎన్టీఆర్‌ ప్రస్తుతం బాబీ దర్శకత్వంలో ‘జైలవకుశ’ చిత్రంలో నటిస్తున్నాడు. ఫ్లాపుల పరంపరలో కొనసాగుతున్న బాబీకి ఎన్టీఆర్‌ ఒకే చెప్పడంపై అనేక రకాల విమర్శలు వచ్చాయి. కానీ కథ బలంగా ఉండడం వల్లనే ఎన్టీఆర్‌ బాబీకి గ్రీన్‌ సిగ్నల్‌ ఇచ్చాడని ఎన్టీఆర్‌ సన్నిహితులు చెబుతూ వచ్చారు. ఈ చిత్రాన్ని ఎన్టీఆర్‌ అన్నయ్య కళ్యాణ్‌రామ్‌ నిర్మిస్తుండగా రాశిఖన్నా మరియు నివేధా థామస్‌లు హీరోయిన్‌లుగా నటిస్తున్నారు. మూడు పాత్రల్లో కనిపిస్తున్న ఎన్టీఆర్‌ సరసన హీరోయిన్‌ల ఎంపిక విషయమై చిత్ర యూనిట్‌ చాలా జాగ్రత్తలు తీసుకుంటున్నారు. యూత్‌లో బాగా క్రేజ్‌ ఉండి, అందం, అభినయంతో ఆకట్టుకునే ముద్దుగుమ్మలనే బుక్‌ చేస్తున్నారు.
హాట్‌ భామ హంసా నందిని కూడా ఈ చిత్రంలో నటించనున్న వార్త తెలిసిందే. తాజాగా మరో ముద్దుగుమ్మను ఈ చిత్రం కోసం ఎంపిక చేశారట. ‘ప్రేమ కథాచిత్రమ్‌’ చిత్రంతో గుర్తింపు తెచ్చుకున్న నందితా రాజ్‌ను చిత్ర యూనిట్‌ సంప్రదించినట్టు, ఎన్టీఆర్‌ ఆఫర్‌ రావడంతో ఈ అమ్మడు వెంటనే ఓకే చెప్పినట్టు సమాచారం అందుతోంది. మొత్తానికి ఎన్టీఆర్‌ త్రిపాత్రాభినయం, హీరోయిన్లతో ఈ చిత్రానికి ఇప్పటికే మంచి హైప్‌ క్రియేట్‌ అవుతోంది. ఈ చిత్రంలో ఎన్టీఆర్‌ ఐటెంతో సహా ఇప్పటికే నలుగురు భామలని పట్టేశాడు. నలుగురితో రొమాన్స్‌ చేస్తూ ఎన్టీఆర్‌ ఏ రేంజ్‌లో రెచ్చిపోతాడో చూడాలి.
