మాస్‌ మహారాజా రవితేజ హీరోగా తెరకెక్కిన ‘డిస్కోరాజా’ చిత్రం విడుదలకు సిద్దం అవుతోంది. ఈ సమయంలోనే రవితేజ తదుపరి చిత్రంపై ఒక నిర్ణయంకు వచ్చినట్లుగా తెలుస్తోంది. డిస్కోరాజాకు చేసినట్లుగా మరి ఎక్కువ ఆలస్యం చేయకుండా తదుపరి చిత్రాన్ని వెంటనే చేయాలని నిర్ణయించుకున్నాడు. అందుకే తనకు గతంలో సక్సెస్‌ ఇచ్చిన గోపీచంద్‌ మలినేని దర్శకత్వంలో ఒక చిత్రంను చేసేందుకు గ్రీన్‌ సిగ్నల్‌ ఇచ్చాడు. దసరా తర్వాత ఆ చిత్రం ప్రారంభం అయ్యే అవకాశం ఉందని సినీ వర్గాల ద్వారా సమాచారం అందుతోంది.
గోపీచంద్‌ చాలా కాలంగా మంచి సినిమా చేయలేక కిందా మీదా పడుతున్నాడు. అన్ని అనుకున్నట్లుగా జరిగితే రవితేజతో మళ్లీ సక్సెస్‌ ట్రాక్‌ ఎక్కాలని ఆశ పడుతున్నాడు. బలుపు చిత్రంలో రవితేజకు జోడీగా నటించిన శృతి హాసన్‌ను ఈ చిత్రం కోసం గోపీచంద్‌ మలినేని తీసుకు రాబోతున్నాడు. వీరి కాంబోకు హిట్‌ ఉంది కనుక తప్పకుండా రవితేజ హిట్‌ను అందుకునే అవకాశం ఉందని అనిపిస్తుంది. డిస్కో రాజా చిత్రం ఫలితంపై ఈ చిత్రం పరిస్థితి ఆధారపడి ఉంటుందని సినీ వర్గాల వారు అంటున్నారు.
