బ్రోచేవారెవరురా సినిమాతో మంచి హిట్ అందుకున్న శ్రీవిష్ణు, ప్రియదర్శి, రాహుల్ రామకృష్ణ మరోసారి ప్రేక్షకులను అలరించడానికి మరో సరికొత్త కామెడీ ఎంటర్టైనర్ ‘ఓం భీమ్ బుష్’ తో రాబోతున్నారు. హుషారు ఫేమ్ శ్రీహర్ష కొనుగంటి దర్శకత్వంలో వస్తున్న ఈ చిత్రాన్ని యువి క్రియేషన్స్ సమర్పణలో వి సెల్యులాయిడ్ మరియు సునీల్ బలుసు సంయుక్తంగా నిర్మిస్తున్నారు. ఇప్పటికే విడుదలైన టీజర్ కి ట్రెమండస్ రెస్పాన్స్ వచ్చింది. తాజాగా ఈ సినిమా ఫస్ట్ సింగిల్ ‘బ్యాంగ్ బ్రోస్..’ పాటని రిలీజ్ చేసారు మేకర్స్.
Love Me Teaser : ‘లవ్ మీ’ టీజర్.. వామ్మో దెయ్యంతో రొమాన్సా ?
సన్నీ ఎం.ఆర్ ఈ పాటని లైవ్లీ గా కంపోజ్ చేశారు. లక్ష్మీ ప్రియాంక అందించిన లిరిక్స్ చాలా క్యాచిగా వున్నాయి. ఆదిత్య అయ్యంగర్, డింకర్ కల్వల, వివేక్ హరిహరన్, రుత్విక్ తలశిల్కర్, సన్నీ M.R కలసి డిలైట్ ఫుల్ గా అలపించారు. ఈ పాటలో శ్రీవిష్ణు, ప్రియదర్శి, రాహుల్ రామకృష్ణ ఎనర్జిటిక్‌గా కనిపించారు. వైబ్రెంట్ అండ్ లావిష్ సెట్‌లో చిత్రీకరించిన ఈ పాటకు అద్భుతమైన స్పందన వస్తోంది. ప్రీతి ముకుందన్, అయేషా ఖాన్ కథానాయికలుగా నటిస్తున్న ఈ చిత్రంలో శ్రీకాంత్ అయ్యంగార్, ఆదిత్య మీనన్, రచ్చ రవి కీలక పాత్రల్లో కనిపించనున్నారు. ‘ఓం భీమ్ బుష్’ మార్చి 22న ప్రపంచవ్యాప్తంగా గ్రాండ్ గా విడుదల కానుంది.
