సమంత నటించిన ‘ఓ బేబీ’ చిత్రం సంచలన విజయాన్ని సొంతం చేసుకుంది. లాంగ్‌ రన్‌లో ఈ చిత్రం సాధించిన కలెక్షన్స్‌ చూసి పెద్ద సినిమాల నిర్మాతలు కూడా ఆశ్చర్య పోతున్నారు. ఇక ఓవర్సీస్‌లో ఈ చిత్రం ఏకంగా మిలియన్‌ డాలర్లను వసూళ్లు చేసి స్టార్‌ హీరోల సినిమాల జాబితాలో చేరింది. ఇంత భారీ విజయాన్ని సొంతం చేసుకున్న ఓబేబీ చిత్రాన్ని తమిళనాట విడుదల చేసేందుకు ఏర్పాట్లు పూర్తి అయ్యాయి. తమిళనాడులో సమంతకు ఉన్న క్రేజ్‌ ప్రత్యేకంగా చెప్పనక్కర్లేదు. అక్కడ స్టార్‌ హీరోల సరసన నటించిన సమంత ఇప్పుడు అక్కడికి ఓబేబీ చిత్రంతో వెళ్లబోతుంది.
ఆగస్టు 15న స్వాతంత్య్ర దినోత్సవం సంవత్సరంగా ఓబేబీ తమిళ వర్షన్‌ను విడుదల చేయబోతున్నారు. అందుకు సంబంధించిన డబ్బింగ్‌ పనులు కూడా ముగిశాయి. ప్రస్తుతం అక్కడ ప్రమోషన్స్‌ కార్యక్రమాలు జరుగుతున్నాయి. సమంతకు ఉన్న క్రేజ్‌ నేపథ్యంలో అక్కడ దాదాపుగా 250 నుండి 300 థియేటర్లలో విడుదల చేసేందుకు ప్రయత్నాలు జరుగుతున్నాయి. మినిమంగా అక్కడ 8 నుండి 10 కోట్ల వరకు షేర్‌ దక్కించుకుంటుందనే నమ్మకం బయ్యర్లలో ఉంది. మరి ఈ చిత్రం సమంతకు అక్కడ ఎలాంటి ఫలితాన్ని ఇస్తుందో చూడాలి.
