మ‌లయాళ మెగాస్టార్ గా అభిమానులతో పిలిపించుకునే జాతీయస్థాయి ఉత్తమనటుడు మోహన్ లాల్. తెలుగులో ఎన్టీఆర్ తో జనతా గ్యారేజ్ లో నటించాడు. ఆ తరువాత మన్యం పులితో ప్రేక్షకులను పలకరించాడు. ఇప్పుడు శ్రీ కుమార్ మీన‌న్ ద‌ర్శ‌క‌త్వంలో, ఆశిర్వాద్ సినిమాస్ బేన‌ర్ పై 600 కోట్ల బడ్జెట్ తో రూపొందుతున్న ఒడియన్ అనే చిత్రంలో న‌టిస్తున్నాడు. ఇదొక ఫాంటసీ మూవీ అని చెబుతున్నారు.
అస‌లు ఒడియన్ అంటే ఓ కల్పిత జీవి. సగం మనిషి, సగం జంతువు రూపంలో ఉండి అతీంద్రియ శక్తులున్న జీవి రాత్రిపూట అడవులలో సంచరిస్తుందనేది కేరళలలోని మలబార్ ప్రాంత ప్రజల నమ్మకం. అలాంటి జీవి జీవిత కాలంలో జరిగిన సంఘటన నేపథ్యంలో ఒడియన్ సినిమా రూపొందిస్తున్నారు.ఈ చిత్రంలో మోహన్ లాల్ ‘ఓడియన్ మాణిక్యన్’ అనే పాత్రలో నటించనున్నాడు.
భారీ బడ్జెట్ తో తెర‌కెక్కుతున్న ఒడియన్ చిత్రంలో మంజు వారియ‌ర్, ప్ర‌కాశ్ రాజ్, శ‌ర‌త్ కుమార్, సిద్ధిఖీ ప్రధాన పాత్ర లు పోషిస్తున్నారు. తాజాగా చిత్ర ట్రైలర్ విడుద‌లైంది. ఇందులో మోహన్ లాల్ ఢిఫ‌రెంట్ షేడ్స్‌లో క‌నిపించి ఫ్యాన్స్‌కి మాంచి కిక్ ఇచ్చాడు. ఇప్పుడు ఈ సినిమాపై అభిమానుల‌లో భారీ ఎక్స్‌పెక్టేష‌న్స్ నెల‌కొన్నాయి.
ఈ సినిమాను ఈ ఏడాదే తెలుగు, తమిళం, హిందీ భాషలలో రిలీజ్ చేయాలని భావిస్తున్నారు. అలాగే మోహన్ లాల్ త్వరలో వెయ్యి కోట్ల బడ్జెట్ తో తెరకెక్కనున్న మహా భారతంలోను మోహన్ లాల్ ప్రధాన పాత్ర చేయనున్నాడు. మరీ ఈ ట్రైలర్ ఫై ఓ లుక్ వెయ్యండి.
