ప్రస్తుతం యంగ్ టైగర్ ఎన్టీఆర్ హీరోగా దర్శకుడు కొరటాల శివ తెరకెక్కిస్తున్న భారీ చిత్రం NTR30. యువసుధ ఆర్ట్స్, ఎన్టీఆర్ ఆర్ట్స్ సంయుక్తంగా నిర్మిస్తున్న ఈ సినిమాలో జాన్వీ కపూర్ హీరోయిన్ గా నటిస్తుండగా, విలన్ పాత్రలో సైఫ్ అలీ ఖాన్ నటిస్తున్నాడు. అయితే అభిమానులు ఎప్పుడెప్పుడా అని ఎదురుచూస్తున్న అప్‌డేట్ రానే వచ్చింది. ఎన్టీఆర్ 30కి ‘దేవర’ టైటిల్ ఫైనల్ చేశారు చిత్రబృందం. టైటిల్‌తోపాటు దేవర ఫస్ట్ లుక్‌ను లాంఛ్ చేశారు మేకర్స్‌.
ఇక ఫస్ట్ లుక్ టైటిల్ పోస్ట‌ర్‌లో ఎన్టీఆర్ స‌ముద్ర‌పు అంచున ఎగ‌సిప‌డే అల‌ల మ‌ధ్య ఫెరోషియ‌స్‌గా కనిపిస్తున్నారు. బ్లాక్ లుంగీ, బ్లాక్ క‌ల‌ర్ హాఫ్ ష‌ర్ట్‌..మాసిన గ‌డ్డం..ఒళ్లంతా ర‌క్తం..ఎడ‌మ చేతిలో రక్తంతో త‌డిసి ముద్దైన బ‌రిసెలాంటి ప‌దునైన క‌త్తి..కాళ్ల కింద ఊచకోత‌కు గురై విగ‌త జీవులుగా ప‌డి వున్న మృత దేహాలు..క‌త్తుల‌తో సావాసం చేసే యోధుడిలా వారి మ‌ధ్య ధీర‌త్వంతో ఎన్టీఆర్ క‌నిపిస్తున్న తీరు రోమాలు నిక్కబొడుచుకునేలా వుంది. కాగా ఈ సినిమా వ‌చ్చే ఏప్రిల్ 5న ప్ర‌పంచ వ్యాప్తంగా థియేటర్లలో గ్రాండ్‌గా విడుదల కానుంది.