యంగ్ టైగర్ ఎన్టీఆర్ ప్రస్తుతం రాజమౌళి డైరెక్షన్లో ఆర్ఆర్ఆర్ సినిమా చేస్తున్న సంగతి తెలిసిందే. ఈ మూవీ సెట్స్ ఫై ఉండగానే తన 30 వ చిత్రాన్ని త్రివిక్రమ్ చేతిలో పెట్టాడు. హారిక హాసిని క్రియేషన్స్ & ఎన్టీఆర్ ఆర్ట్స్ బ్యానర్ లు సంయుక్తం గా ఈ మూవీ ని నిర్మించబోతున్నాయి. మే నెలలో ఈ మూవీ సెట్స్ పైకి రానుంది. ఇప్పటికే త్రివిక్రమ్ తో అరవింద సమేత చిత్రం చేసి హిట్ కొట్టిన ఎన్టీఆర్ మరోసారి ఆయనకే అవకాశం ఇవ్వడం తో ఈ మూవీ ఫై మరింత అంచనాలు నెలకొని ఉన్నాయి.
పొలిటికల్ బ్యాక్‌డ్రాప్‌లో ఫ్యామిలీ ఎంటర్‌టైనర్‌గా తెరకెక్కనున్న ఈ సినిమాకు `అయిననూ పోయిరావలె హస్తినకు` అనే టైటిల్ పెట్టినట్టు తెలుస్తోంది. దీని తర్వాత ఎన్టీఆర్ పెళ్లి చూపులు డైరెక్టర్ తరుణ్ భాస్కర్ డైరెక్షన్లో సినిమా చేయబోతాడనే వార్తలు వినిపిస్తున్నాయి. ఇటీవల ఎన్టీఆర్ కు తరుణ్ కథ చెప్పినట్టు తెలుస్తోంది. ఆ కథ ఎన్టీఆర్ కు బాగా నచ్చిందట..అలాగే ఆసక్తికరంగా అనిపించిందట. దీంతో తరుణ్ కు ఒకే చెప్పాడని అంటున్నారు. మరి ఇందులో ఎంత నిజం ఉందనేది తెలియాల్సి ఉంది.
