యంగ్‌టైగర్‌ ఎన్టీఆర్‌ ‘జనతాగ్యారేజ్‌’ చిత్రంతో మంచి హిట్‌ను సొంతం చేసుకున్నాక ఇలాంటి సక్సెస్‌ చిత్రాన్నే మరోసారి చేయాలని భావించి చాలాకాలం విరామం తీసుకుని మరీ దర్శకుడు బాబీ చెప్పిన కథకు ఒప్పుకున్నాడు. బాబీకి పెద్దగా హిట్‌ ఫేం లేకున్నా కూడా ఈయన చెప్పిన కథ పిచ్చగా నచ్చడంతో ఎన్టీఆర్‌ వెంటనే ఒకే చెప్పాడు. ఈ చిత్రంలో ఎన్నడూ లేని విధంగా ఎన్టీఆర్‌ మూడు పాత్రల్లో కనబడుతున్నాడు. అందుకే ఈ చిత్రానికి ‘జైలవకుశ’ అనే టైటిల్‌ను ఫిక్స్‌ చేశారు. ఈ చిత్ర షూటింగ్‌ ప్రస్తుతం హైద్రాబాద్‌లో జరుగుతోంది.
ఎన్టీఆర్‌ మంచి డ్యాన్సర్‌ అన్న విషయం ప్రత్యేకంగా చెప్పనక్కర్లేదు. ఇది వరకు ఎన్టీఆర్‌ మాస్ స్టెప్పులనే చూశారు కానీ మంచి క్లాసికల్‌ డ్యాన్సర్‌ కూడా. అందుకే ఈ చిత్రంలో ఒక పాత్రలో ఎన్టీఆర్‌ క్లాసికల్‌ డ్యాన్సర్‌గా కనిపించనున్నాడు అని టాక్‌ వినిపిస్తోంది. ఎన్టీఆర్‌లో ఆ కళ ఉందని, అది ఆ పాత్రకు బాగా సరిపోతుంది అనే ఉద్దేశ్యంతో ఎన్టీఆర్‌ను క్లాసికల్‌ డ్యాన్సర్‌గా చూనించడానికి బాబీ ఆసక్తి చూపించాడు. ఈ చిత్ర ఫస్ట్‌లుక్‌ను ఈనెల 19న ఎన్టీఆర్‌ పుట్టిన రోజు సందర్భంగా విడుదల చేయనున్నట్టు తాజాగా చిత్ర యూనిట్‌ అధికారికంగా ప్రకటించారు.
