చరణ్ బర్త్ డే సందర్భాంగా ఎన్టీఆర్ మెగా సర్ప్రైజ్ ఇచ్చి మెగా అభిమానులు కట్టిపడేసాడు. ఆర్ఆర్ఆర్ లో చరణ్ ఎలా కనిపించబోతున్నాడో చూపించి ప్రేక్షకులకు గూస్ బంప్స్ కలిగించారు. కళ్లలో కసి, కండల్లో పవర్ చూపిస్తూ రామరాజు పాత్రలో చరణ్ మారణాయుధం కంటే ప్రమాదకరంగా అనిపించాడు. ఇక తెలంగాణా యాసలో ఎన్టీఆర్ వాయిస్ ఓవర్ ఆ పాత్రను తారా స్థాయిలో ఎలివేట్ చేసింది. అల్లూరిగా చరణ్ తెరపై భీభత్సం సృష్టించడం ఖాయం అని అర్థమైపోయింది.
మే 20న ఎన్టీఆర్ ఏంచేయబోతున్నాడో అని అంత మాట్లాడుకోవడం మొదలుపెట్టారు. మే 20 న ఎన్టీఆర్ బర్త్ డే నేపథ్యంలో కొమరం భీమ్ గా ఇంట్రో కోసం ఫ్యాన్స్ ఆసక్తిగా ఎదురుచూస్తున్నారు. ఈ వీడియో తాలూకా హైలైట్స్ బయటకొచ్చాయి. ఈ వీడియోలో చరణ్ వాయిస్ ఓవర్ ఉండదు అట. ఎన్టీఆర్ నే స్వయంగా కొన్ని పవర్ ఫుల్ డైలాగ్‌లను చెబుతారని.. అలాగే పులితో ఎన్టీఆర్ ఫైట్ కి సంబంధించిన విజువల్స్ ను కూడా రివీల్ చేయబోతున్నారని.. ‘ఎన్టీఆర్’ సర్ ప్రైజ్ వీడియోలో ఇవే హైలైట్స్ గా నిలివబోతున్నాయని తెలుస్తోంది. మొత్తానికి ఈ న్యూస్ ఎన్టీఆర్ అభిమానులను బాగా ఉత్సాహపరుస్తోంది.
