యంగ్‌ టైగర్‌ ఎన్టీఆర్‌ ప్రస్తుతం ‘సర్దార్‌ గబ్బర్‌సింగ్‌’ దర్శకుడు బాబీ దర్శకత్వంలో ఒక చిత్రాన్ని చేస్తున్న విషయం తెల్సిందే. ‘జై లవకుశ’ అనే టైటిల్‌ను ఈ సినిమాకు పరిశీలిస్తున్నారు. మూడు విభిన్న పాత్రల్లో ఎన్టీఆర్‌ కనిపించబోతున్నాడు అనేది ప్రస్తుతం టాలీవుడ్‌లో జరుగుతున్న ప్రచారం. ఈ మూడు లుక్స్‌ ఎలా ఉండబోతున్నాయి అనేది ప్రస్తుతం ఆసక్తికరంగా చర్చ జరుగుతుంది. ఇక తాజాగా ఎన్టీఆర్‌ ఒక పాత్రలో అంధుడిగా కనిపించబోతున్నాడని తాజాగా లీక్‌ అయిన ఒక మాస్క్‌ ద్వారా వెళ్లడి అయ్యింది.
ఈ చిత్రంలో ఎన్టీఆర్‌కు మేకప్‌ చేస్తున్న ప్రముఖ మేకప్‌ ఆర్టిస్టును తాజాగా నందమూరి అభిమాని ఫేస్‌బుక్‌లో ఎన్టీఆర్‌ స్టిల్స్‌ను విడుదల చేయాల్సిందిగా కోరాడు. అయితే అందుకు సమాధానంగా.. ఎన్టీఆర్‌ పిక్స్‌ను తీయడం సెట్స్‌లో బ్యాన్‌ చేశారు. అయితే లుక్‌ అనేది చాలా నార్మల్‌గా ఉంటుంది. ఒక బ్యాంక్‌ మేనేజర్‌గా సింపుల్‌గా ఫార్మల్‌ లుక్‌తో కనిపిస్తాడు, పల్చని గడ్డంతో ఎన్టీఆర్‌ లుక్‌ ఉంటుందని తేల్చేశాడు. ఎన్టీఆర్‌ లుక్‌ గురించి అతిగా ఊహించుకోవద్దని ఆయన చెప్పకనే చెప్పాడు. ఈ చిత్రంలో ఎన్టీఆర్‌కు జోడీగా రాశి ఖన్నా మరియు నివేద థామస్‌లు హీరోయిన్‌గా నటిస్తున్నారు.
