యంగ్‌ టైగర్‌ ఎన్టీఆర్‌ ‘జనతా గ్యారేజ్‌’ చిత్రంతో బ్లాక్‌ బస్టర్‌ సక్సెస్‌ను అందుకున్నాడు. కొరటాల శివ దర్శకత్వంలో తెరకెక్కిన ఆ సినిమా తర్వాత ప్రస్తుతం ఎన్టీఆర్‌ తన కొత్త సినిమాను బాబీ దర్శకత్వంలో చేస్తున్న విషయం తెల్సిందే. ఇప్పటికే ఈ సినిమా రెగ్యులర్‌ షూటింగ్‌ ప్రారంభం అయ్యి పది రోజులు అవుతుంది. అయితే ఇప్పటి వరకు ఎన్టీఆర్‌ షూటింగ్‌లో పాల్గొనలేదు. నేటి నుండి ఎన్టీఆర్‌ షూటింగ్‌లో పాల్గొంటున్నాడు. ఈ విషయాన్ని చిత్ర నిర్మాణ సంస్థ ట్విట్టర్‌ ద్వారా వెళ్లడి చేసింది.
ఎన్టీఆర్‌తో బాబీ ఒక సీన్‌ను చిత్రీకరిస్తూ ఉన్న ఫొటోను కూడా ట్విట్టర్‌ ద్వారా షేర్‌ చేశారు. దర్శకుడు బాబీ మానిటర్‌లో ఎన్టీఆర్‌ చేసిన సీన్‌ను రివైండ్‌ చేసి చూస్తున్నట్లుగా అనిపిస్తుంది. మానిటర్‌లో కాస్త తీక్షణంగా చూస్తే ఎన్టీఆర్‌ జట్టు కాస్త పెంచినట్లుగా, విభిన్నమైన లుక్‌లో ఉన్నట్లుగా అనిపిస్తుంది. ఈ చిత్రం కోసం ఎన్టీఆర్‌ కాస్త బక్కగా కూడా అయినట్లుగా ప్రచారం జరుగుతుంది. ఎన్టీఆర్‌ డే 1 షూటింగ్‌ అంటూ చిత్ర యూనిట్‌ సభ్యులు ట్విట్టర్‌ ద్వారా తెలియజేశారు.
ఇక ఈ సినిమాకు ‘జై లవకుశ’ అనే టైటిల్‌ను పరిశీలిస్తున్నట్లుగా తెలుస్తోంది. హీరోయిన్స్‌గా రాశి ఖన్నా, నివేద థామస్‌లు నటిస్తుండగా, రకుల్‌ ప్రీత్‌ సింగ్‌ ఐటెం సాంగ్‌ను చేయబోతుంది. ఈ చిత్రం వచ్చే దసరాకు విడుదల చేయాలని ప్లాన్‌ చేస్తున్నారు. మూడు విభిన్న పాత్రల్లో ఎన్టీఆర్‌ కనిపించబోతున్న ఈ సినిమా ‘జనతా గ్యారేజ్‌’ను మించి సక్సెస్‌ అవుతుందనే నమ్మకంతో యూనిట్‌ సభ్యులు ఉన్నారు.
