NTR30 మూవీ ఆగస్టు 31 న ప్రారంభం కాబోతున్నట్లు సినీ వర్గాల నుండి సమాచారం అందుతుంది. ఎన్టీఆర్ – కొరటాల కలయికలో తెరకెక్కబోయే ఈ చిత్రాన్ని నందమూరి తారకరామారావు ఆర్ట్స్ యువసుధ ఆర్ట్స్ బ్యానర్లపై పాన్ ఇండియా స్థాయిలో నిర్మిస్తుండగా.. యంగ్ మ్యూజిక్ సెన్సేషన్ అనిరుధ్ రవిచందర్ సంగీతం అందించనున్నారు. ఇటీవల ఎన్టీఆర్ బర్త్ డే సందర్భంగా ఈ మూవీ నుంచి విడుదలైన మాస్ మోషన్ పోస్టర్ గ్లింప్స్ విశేషంగా ఆకట్టుకుంది. ఈ గ్లింప్స్ తో ఉన్న అంచనాలు తారా స్థాయికి చేరుకున్నాయి. పలు కారణాలతో సినిమా సెట్స్ పైకి వెళ్లడం ఆలస్యం అయ్యింది.
ప్రస్తుతము అంత సెట్ అయ్యాయని ..ఆగస్టు 31 న అధికారికంగా ప్రారంభించి..రెగ్యూలర్ షూటింగ్ చేయనున్నట్లు సమాచారం. ఇక ఈ మూవీ లో హీరోయిన్ ఇంకా ఖరారు కాలేదు. ఇప్పటికే జాన్వీ కపూర్ అలియా భట్ రష్మిక పూజా హెగ్డే ఇలా చాలా మంది పేర్లు తెరపైకి వచ్చాయి. కానీ ఎవరూ ఫైనల్ కాలేదు. అయితే ఇటీవల విడుదలైన `సీతారామం`తో ప్రేక్షకులను ఎట్రాక్ట్ చేసిన బాలీవుడ్ బ్యూటీ మృణాల్ ఠాకూర్ ను హీరోయిన్ గా ఎంపిక చేసినట్లు ప్రచారం జరుగుతోంది.
