నందమూరి ఫ్యాన్స్ ఎప్పుడెప్పుడా అని ఎదురు చూస్తున్న సమయం రానే వచ్చేసింది. తాజాగా ఎన్టీఆర్ 30 ముహూర్తం ఫిక్స్ చేసేశారు. ఎన్టీఆర్ 30వ చిత్రానికి మార్చి 23న ముహూర్తం ఫిక్స్ చేసినట్టు సాలిడ్ పోస్టర్‌తో అనౌన్స్ చేశారు. ఈ పోస్టర్ చాలా పవర్‌ఫుల్‌గా ఉంది. దీంతో అభిమానులు పండగ చేసుకుంటున్నారు. అంతేకాదు కొరటాల – ఎన్టీఆర్ కాంబోలో మరోసారి రికార్డు బద్దలయ్యే చిత్రం రావాలంటూ ఫ్యాన్స్ కోరుతున్నారు.
ఇక ఈ చిత్రంలో అతిలోక సుందరి, దివంగత శ్రీదేవి కూతురు జాన్వీ కపూర్ తారక్ సరసన నటించబోతున్నట్టు ఇప్పటికే అనౌన్స్ చేశారు. ఇక ఎన్టీఆర్ ఆర్ట్స్, యువసుధ ఆర్ట్స్ బ్యానర్లపై ఈ చిత్రాన్ని నిర్మిస్తున్నారు. సుధాకర్ మిక్కిలినేని, కోసరాజు హరికృష్ణ నిర్మాతలుగా వ్యవహరిస్తున్నారు. వచ్చే ఏడాది 2024 ఏప్రిల్ 5న ప్రేక్షకుల ముందుకు రాబోతుంది.