తెలుగులో చిన్న హీరోలతో ఎంట్రీ ఇచ్చిన హీరోయిన్లందరూ కూడా పెద్ద హీరోలతో నటించే అవకాశాలను సొంతం చేసుకుంటున్నారు ఒక్క రెజీనా తప్ప. ఈ అమ్మడు కెరియర్‌ మొదటి నుండి ఇప్పటి దాకా చిన్న హీరోలతోనే నటించాల్సి వస్తుంది. ఒక్క స్టార్‌ హీరో చిత్రంలో కూడా రెజీనాకు మంచి ఆఫర్‌ తగలడం లేదు. ప్రస్తుతం తెలుగులో ఈ అమ్మడి ఆశలన్నీ కూడా కృష్ణవంశీ “నక్షత్రం” పైనే ఉన్నాయి. ఆ చిత్రం మినహా రెజీనాకు తెలుగులో పెద్దగా చెప్పుకోదగ్గ అవకాశాలేవి లేవు. తెలుగులో తనకు రాసి పెట్టి లేదనుకున్న ఈ అమ్మడు ఇతర భాషల్లోకి జంప్‌ అవ్వాలని ఫిక్స్‌ అయ్యింది.
ఈ అమ్మడికి మంచి హిందీ సినిమాలో అవకాశం వచ్చింది. ‘ఆంఖే 2’ చిత్రంతో ఈ అమ్మడు బాలీవుడ్‌లో గ్రాండ్‌గా ఎంట్రీ ఇవ్వొచ్చు అనుకుంది. ఈ చిత్ర షూటింగ్‌ జనవరిలో జరగాల్సింది. కానీ ఇంతరకు ప్రారంభం కాలేదు. అంటే ఈ చిత్రం ఆగిపోయిందన్నమాట. బడ్జెట్‌ ఎక్కువవుతుండడంతో నిర్మాతలు చేతులెత్తేశారట. దాంతో ఈ ప్రాజెక్ట్‌ కాస్త అటకెక్కింది. హిందీలో అయినా ఓ వెలుగు వెలగాలనుకున్న రెజీనా ఆశలపై ఈ ప్రాజెక్ట్‌ నీరు పోసింది. ఇటు తెలుగులో అవకాశాలే లేక అటు బాలీవుడ్‌లో వచ్చిన అవకాశం కాస్త అటకెక్కడంతో రెజీనా పరిస్థితి చాలా దారుణంగా మారింది.
