పవర్‌స్టార్‌ పవన్‌కళ్యాణ్‌ ఇటు హీరోగా రాణిస్తూనే నిర్మాణ రంగంలో కూడా బిజీ అవుతున్నాడు. ప్రస్తుతం పవన్‌ ‘కాటమరాయుడు’ చిత్రంలో నటిస్తున్నాడు. పవన్‌, త్రివిక్రమ్‌తో కలిసి నితిన్‌ హీరోగా నటించే చిత్రాన్ని నిర్మిస్తున్నాడు. అయితే ఈ చిత్రానికి మాటల మాంత్రికుడు త్రివిక్రమ్‌ ఓ టైటిల్‌ను రిజిస్టర్‌ చేయించాడు. పవన్‌ మొదటి చిత్రం ‘అక్కడ అమ్మాయి… ఇక్కడ అబ్బాయి’ అని అందరికి తెల్సిందే. తాజాగా ఈ టైటిల్‌ను తిరగేసి ‘అక్కడ అబ్బాయి.. ఇక్కడ అమ్మాయి’ అనే టైటిల్‌ను త్రివిక్రమ్‌ తన నిర్మాణ సంస్థ పేరు మీద రిజిస్టర్‌ చేయించాడట. నితిన్‌ కోసం పవన్‌ టైటిల్‌ను తిరగబడేసి భలే వాడుతున్నారు. పవన్‌ టైటిల్‌తో ఈ చిత్రంపై చాలా ఆసక్తి నెలకొంది.
ఈ చిత్రాన్ని కృష్ణ చైతన్య తెరకెక్కించనుండగా పవన్‌, త్రివిక్రమ్‌లు శ్రేష్ఠ్‌ మూవీస్‌తో సంయుక్తంగా నిర్మిస్తున్నారు. త్వరలోనే పవన్‌, త్రివిక్రమ్‌ల కాంభోలో మరో చిత్రం ప్రారంభం కానుంది. ఈ కాంభోలో ఒక చిత్రం తెరకెక్కుతుండగానే ఇద్దరు కలిసి నితిన్‌ చిత్రాన్ని నిర్మించే విధంగా ప్లాన్‌ చేసుకున్నారు. నితిన్‌ ప్రస్తుతం హను రాఘవపూడి దర్శకత్వంలో నటిస్తున్నాడు. ఆ చిత్రం పూర్తి కాగానే పవన్‌, త్రివిక్రమ్‌ల నిర్మాణంలో నటించనున్నాడు. నితిన్‌ హీరోగా నటిస్తున్న ఈ చిత్రానికి పవన్‌, త్రివిక్రమ్‌లు నిర్మించడంతో చాలా హైప్‌ క్రియేట్‌ అవుతుంది.
