తెలుగులో ఆమె నటించిన సినిమాల సంఖ్య భారీగానే ఉంది. అయితే ఎక్కువగా సెకండ్‌ హీరోయిన్‌గానే నటించింది. మొదటి సినిమాతోనే సొంతంగా డబ్బింగ్‌ చెప్పుకుని అందరి దృష్టిని ఆకర్షించిన నిత్యామీనన్‌ ఇప్పుడు టాలీవుడ్‌లో కాకుండా ఎక్కువగా హిందీ, మలయాళంలోనే సినిమాలు చేస్తోంది. ఇటీవలే ఈమె హిందీలో చేసిన మిషన్‌ మంగళ్‌ చిత్రం మంచి విజయాన్ని సొంతం చేసుకుంది. మలయాళంలో తన 50వ చిత్రం చేస్తున్నట్లుగా ఆమె ప్రకటించింది. తెలుగులో త్వరలో ఒక చిత్రంతో ప్రేక్షకుల ముందుకు రాబోతుంది. హీరోయిన్స్‌ పాత్రలే కావాలని మడి కట్టుకోకుండా ఉండటం వల్ల ఈమెకు 50 సినిమాలు దక్కాయి. ఇలాగే కొనసాగితే సెంచరి వరకు కూడా వెళ్లే అవకాశం ఉంది.