‘భీష్మ’ లాంటి బ్లాక్ బస్టర్ అందించిన దర్శకుడు వెంకీ కుడుముల దర్శకత్వంలో నితిన్ చేస్తున్నయాక్షన్ అడ్వెంచర్‌ ‘రాబిన్‌హుడ్’. మైత్రీ మూవీ మేకర్స్ నిర్మిస్తున్న ఈ చిత్రంలో నితిన్ దొంగగా నటిస్తున్నారు. అంతేకాదు పూర్తిగా భిన్నమైన లుక్ లో అలరించనున్నారు. ఇక కొద్ది రోజుల క్రితం విడుదల చేసిన క్యారెక్టర్ టీజర్‌కు అద్భుతమైన స్పందన వచ్చింది. తాజాగా టీమ్ ఇంటర్వెల్ యాక్షన్ ఎపిసోడ్ షూటింగ్ ను హైదరాబాద్ లో ప్రారంభించింది.
ఎప్పుడూ డిఫరెంట్ కాన్సెప్ట్‌లతో వచ్చే రామ్-లక్ష్మణ్ మాస్టర్స్ ఈ యూనిక్ యాక్షన్ బ్లాక్‌ని ఇంట్రస్టింగ్‌గా డిజైన్ చేశారు. ఇంటర్వెల్ లో రానున్న ఈ యాక్షన్ సీక్వెన్స్ కోసం వారు స్పెషల్ కేర్ తీసుకుంటున్నారు. వెంకీ కుడుముల, నితిన్ పాత్రను చాలా డిఫరెంట్ గా ప్రజెంట్ చేస్తున్నారు. నవీన్ యెర్నేని, వై రవిశంకర్ నిర్మాతలుగా వ్యవహరిస్తున్న ఈ చిత్రానికి అత్యున్నత సాంకేతిక నిపుణులు పని చేస్తుండగా.. జాతీయ అవార్డు గ్రహీత జివి ప్రకాష్ కుమార్ సంగీతం అందిస్తున్నారు. నట కిరీటి రాజేంద్ర ప్రసాద్, వెన్నెల కిషోర్ కీలక పాత్రలు పోషిస్తున్నారు.
