కరోనా వైరస్‌లో దేశంలో రోజు రోజుకు కేసులు మరింత పెరుగుతున్నాయి. కేంద్ర, రాష్ట్ర ప్రభుత్వాలతో పాటు సినీ నటులు, సెలబ్రిటీలు కూడా కరోనా లాక్‌డౌన్ కారణంగా ప్రజలకు వివిధ రూపాల్లో సహాయం చేయడానికి ముందుకు వస్తున్నారు. ఇందులో బాగంగా హీరోయిన్ నిఖిలా రామన్ ముందుకు వచ్చారు. ఆమె కేరళలో ఓ కాల్ సెంటర్ లో పని చేస్తున్నారు.
‘‘పేదలకు సేవ చేయడానికి ప్రముఖ వ్యక్తులు ముందుకు రావాలని హెల్ప్ సెంటర్ నిర్వాహకులు ఆహ్వానించారు. దీంతో నేను స్వచ్ఛందంగా ఈ మిషన్‌లో చేరాను. ప్రజలు ఇళ్లలోనే ఉండేలా చేయడమే ఈ మిషన్ ముఖ్యోద్దేశం. నిత్యావసర సరుకులు కొనుగోలు చేయడానికి కూడా ప్రజలు బయటికి రానవసరం లేదు. మా వాలంటీర్లే డోర్ డెలివరీ చేస్తారు’’ అని నిఖిలా చెప్పారు.