దర్శకధీరుడు రాజమౌళి ‘ఆర్‌ఆర్‌ఆర్‌’ చిత్రాన్ని భారీ బడ్జెట్‌తో తెరకెక్కిస్తున్న విషయం తెల్సిందే. ఈ చిత్రంలో ఎన్టీఆర్‌ కొమురంభీం, రామ్‌చరణ్‌ అల్లూరి సీతారామరాజుగా కనిపించనున్నారు. తారక్‌ ఇటీవలె బల్గేరియా నుండి హైద్రాబాద్‌ వచ్చాడు. థాయ్‌లాండ్‌లో తారక్‌ సోలో సన్నివేశాలను చిత్రీకరించారట. ఇక ఈ చిత్రంలో హైలెట్‌గా నిలిచే సన్నివేశం పులితో ఉంటుంది. దట్టమైన అడవిలో పులితో పోరాడే సన్నివేశంలో తారక్‌ కనిపిస్తాడు. అయితే తారక్‌ నిజంగా పులితో ఫైట్‌ చేశాడా? లేక అది గ్రాఫిక్స్‌ అనేది ప్రేక్షకుల్లో సందేహాలకు తావిచ్చింది.
తారక్‌ పోరాడిన పులి నిజమైందే. బల్గేరియాలో ఓ ట్రైన్డ్‌ పులి ఉంటుందట. అది మనుషులకు పక్కా సహకరిస్తుందట. ఆ పులిని మచ్చిక చేసుకుని దానితో ఫైట్‌ చిత్రీకరించారు. ఆ పులికి పూర్తిగా శిక్షణ ఇచ్చి ఇలా షూటింగులకు వాడుతున్నారట. నిజమైన పులితో పోరాడిన ఎన్టీఆర్‌ని అభిమానులు తెగ పొగిడేస్తున్నారు. ఇక ఇది సినిమాకు చాలా ప్లస్‌ అవుతుందని చిత్ర యూనిట్‌ ధీమా వ్యక్తం చేస్తున్నారు. జక్కన్న సినిమాలంటేనే ఇలాంటి ప్రత్యేకతలు ఉంటాయి కదా అంటూ ప్రేక్షకులు ప్రశంసలు కురిపిస్తున్నారు.
